पोखरा,१८ असार- कास्की जिल्लाइ पूर्ण खोप सुनिश्चितता तथा दिगोपन घोषणा गरिएको छ।

पूर्णखोप सुनिश्चितता निर्देशिका २०७१ बमोजिम सम्पूर्ण प्रक्रीयाहरू पूरा गरि बिहीवार जिल्ला समन्वय समिति कास्कीमा विशेष समारोहका बिच सो घोषणा गरिएको हो।

यस अघि कास्किका सबै पालिकाहरू पूर्ण खोप सुनिश्चितता तथा दिगोपन घोषणा भएका थिए।

उक्त अवशरमा जिल्ला समन्वय समिति कास्कीका प्रमुख तथा जिल्ला खोप समन्वय समितिका संयोजक लिलाधर पौडेलले सो अभियानलाई सफल पार्न महत्त्वपूर्ण भूमिका निर्वाह गर्ने सबै पक्षहरूलाई आभार व्यक्त गर्दै सबै तहका जन प्रतिनिधिहरू र आम जनताकाे सहयाेगले नै अभियान सफल भएकाे बताउनुभयो।

 स्वस्थ्य नागरिक नै भाबी नेपालको समृद्धिको मुख्य आधार भएको हुँदा भाबी नागरिक अहिलेका बालबालिकाको स्वस्थ्य अबस्थाका लागि सुरक्षात्मक उपाय खोप नै प्रभाबकारी भएको उल्लेख गर्नुभयो ।

 सो अवशरमा स्वास्थ्य मन्त्रालयका सचिब डा. युबानिधी बसौला ,मन्त्रालयका अतिरिक्त सचिब खिम बहादुर खड्का ,जिसस कास्कीका उप प्रमुख सरिता माल , जिल्ला खोप समन्वय समिति सदस्य सचिब मधुरजी ढकाल ,जिल्ला समन्वय अधिकारी नवराज बराल सहितले आ आफ्नो भनाइ राख्नु भएको थियो। 

कार्यक्रममा अभियान सफल पार्न महत्त्वपूर्ण भुमिका निर्बाह गर्ने तथा सेवा अबकास प्राप्त गर्ने महिला स्वास्थ् स्वयंसेबिकाहरू लाई सम्मान समेत गरिएको थियो।