वालिङ,२६ चैत- वालिङ नगरपालिकाका नगरप्रमुख कृष्ण खाँणले ओमकार हब द्वारा आयाेजित प्रथम वालिङ एक्स्पाे इभेन्टले यश क्षेत्रकाे पहिचानमा सहयाेग पुर्याउने बताउनुभएकाे छ।

आजदेखि वालिङ खेल मैदानमा सुरुभएकाे प्रथम एक्स्पाे इभेन्ट उद्घाटन कार्यक्रममा बाेल्दै नगरप्रमुख खाँणले साे कुरा बताउनुभएकाे हाे।

नयाँ वर्पकाे पूर्व सन्ध्यामा आयाेजना गरिएकाे कार्यक्रमले  यश क्षेत्रकाे पर्यटन प्रवद्धनका साथै कृषि एव विभिन्न प्रकारका कला संस्कृतिकाे संरक्षणमा सहयाेग पुग्ने नगरप्रमुख खाँणकाे विश्वास थियाे। 

वालिङ नगरपालिकाकाे समग्र विकासका लागि सबै एकजुट भएर लाग्नुपर्नेमा जाेड दिदै आफुहरु सबै पक्ष संग हातेमालाे गरेर अगाडि बढ्ने नगरप्रमुख खाँणले बताउनुभयाे। एक्स्पाेमा कृषिका साथै पर्यटन संग सम्बन्धित प्रदर्शनी राखिएकाे छ भने कार्यक्रममा दैनिक विभिन्न ब्यण्ड एवं कलाकारहरुकाे प्रस्तुति रहने आयाेजकले जनाएकाे छ।

नयाँ वर्षलाई एक विशेष उत्सवका रुपमा मनाउदै मनाेरञ्जन प्रदान गर्ने उद्देश्यले कार्यक्रमका आयाेजना गरिएकाे आयाेजककाे भनाइ रहेकाे छ। कार्यक्रममा विभिन्न मनाेरञ्जनका साथै हाेटल ब्यावसाय एवं जिल्लाका पर्यटकिय स्थलकाे पहिचान दिन खालका स्टलहरु रहेका छन्। आज (बिहिबार)देखि सुरु भएकाे कार्यक्रम २०८३ वैशाख २ गते सम्म सञ्चालन हुनेछ। कृषि प्रदर्शनी र परम्परागत खानाका परिकारकाे लागि निशुल्क स्टल उपलब्ध गराइएकाे छ भने १ सय ५० स्टल रहेका छन्।