शम्भु अर्याल

वालिङ,९ फागुन- भेषजराज साहित्य प्रतिष्ठानले प्रजातन्त्र दिवस २०८२ का अवसरमा वालिङ -६, मिर्दीमा रहेको नेचुरल भ्यू प्वाइन्ट रेष्टुरेण्टमा आफ्नो मासिक नियमित रचनावाचनको ९४ औँ शृङ्खला सम्पन्न गरेको छ । 

 कार्यक्रममा प्रमुख अतिथि झ्याउरे कविता लेखन पुनर्जागरण अभियानकी अभियन्ता रेणुका भट्टराई मञ्जरीले झ्याउरे छन्दको बारेमा प्रकाश पर्नुभयो । 

यसैगरी कार्यक्रमका विशिष्ट अतिथि डा. तुलसी खनाल प्रवासले कार्यक्रमको सफलतसका लागि शुभकामना दिँदै लोकछन्दको महत्त्व र यसको प्रयोगका बारेमा जानकारी गराउनुभएकाे थियाे । 

 कार्यक्रममा प्रगतिशिल लेखक सङ्घ स्याङ्जाका अध्यक्ष अनन्त अर्याल, वालिङ नगरपालिकाका योजना शाखा प्रमुख ढालबहादुर केसीले लगायतले बाेल्नुभएकाे थियाे।

कार्यक्रममा शम्भु अर्याल, सावित्रा अर्याल रेग्मी, भवीश्वर पंगेनी, डोलराज सुवेदी, घना अर्याल, सम्बोधन अर्याल, कमल अर्याल, वसन्त खनाल, विष्णु पंगेनी पाण्डे, बोधराज न्यौपाने, दमकुमारी बगाले, यमकान्त खनाललगायतले आआफ्ना र रेणुका भट्टराई कृत “मेरो हजुर” खण्डकाव्यका श्लोकहरू वाचन गर्नुभएको थियो ।