वालिङ,६ माघ- वालिङ नगरपालिका वडा नम्बर १४ डाँडाखर्क स्थित गाजनेमा रहेकाे कालीगण्डकी माध्यमिक विद्यालयको ३८ औँ वार्षिक उत्सव, अभिभावक भेला तथा पुरस्कार वितरण कार्यक्रम सम्पन्न भएकाे छ।

कार्यक्रममा वडा अध्यक्ष बोधराज कुँवरले शैक्षिक क्षेत्रकाे सुधारका लागि आफुहरु लागि परेकाे बताउदै यश क्षेत्रकाे विकासका लागि सबै एक भएर लाग्नुपर्ने बताउनुभयाे।वडाकाे समग्र विकासका लागि आफू निरन्तर लागि पर्ने समेत अध्यक्ष कुँवरले बताउनुभयाे।

कार्यक्रममा कार्यपालिका सदस्य भगवती पाण्डे डुम्रे, यामबहादुर कुँवर विद्यालय व्यवस्थापन समितिका अध्यक्ष कमल कुँवर लगायतले बाेल्नुभएकाे थियाे। विद्यालयका प्र.अ दीपक डुम्रेले विद्यालयकाे वार्षिक प्रतिवेदन प्रस्तुत गर्नुभएकाे थियाे।

कार्यक्रममा परमानन्द डुम्रे स्मृति अक्षय कोष, टिकाराम पाठक स्मृति अक्षय कोष सीताराम डुम्रे स्मृति अक्षय कोष द्वारा विद्यार्थीहरू लाई पुरस्कार तथा प्रमाणपत्र वितरण गरिएकाे थियाे।

भजन किर्तन सहित सम्पन्न कार्यक्रममा स्व. हुमप्रसाद लुइटेल र स्व. भगवती लुइटेलको स्मृतीमा छोराहरु मेघनाथ लुइटेल (राजु) र दिपेन्द्र लुइटेल संरक्षक रहनेगरी रु २०००० को स्वर्गीय हुमप्रसाद लुइटेल भगवती स्मृति अक्षय कोष निर्माण गरिएको विद्यालयले जनाएकाे छ।