वालिङ,१५ मङ्सिर- वालिङमा प्रथम सडक खाना महाेत्सव हुनेभएकाे छ। वालिङ नगरपालिकाकाे आयाेजनामा यहि मङ्सिर १७ गते देखि १९ गते सम्म तीन दिन सम्म सडक खाना महाेत्सवकाे आयाेजना गरिएकाे वालिङ नगरपालिका एक नम्बर वडाका वडा अध्यक्ष एवं नगरप्रवक्ता पदमराज गुरुङले जानकारी दिनुभयाे।

स्थानीय उत्पादनलाई प्राेत्साहान गर्ने उद्देश्यले महाेत्सवकाे आयाेजना गरिएकाे प्रवक्ता गुरुङले बताउनुभयाे। महाेत्सवलाई सम्पन्न गर्नकाे लागि विभिन्न चरणमा छल्फलका साथै तयारी गरिएकाे छ। पतञ्जली चाेक देखि आँधीखाेला करिडाेरकाे इलाकाप्रशासन कार्यालय सुर्काउदी जाने पुल सम्म स्टल रहने छन् भने महाेत्सवमा स्टल शुल्क लाग्ने छैन तर प्रत्येक स्टलबाट पाँच सय रुपैँया सरसफाई शुल्क बापत तिर्नुपर्ने नगरपालिका स्राेतले जनाएकाे छ। प्रथम महाेत्सव प्रभावकारी देखिएकाे अवस्थामा यसलाई विस्तार गरेर फागुपूर्णीमा(हाेली) र नयाँ वर्षमा समेत संचालन गर्न सकिने प्रवक्ता गुरुङले बताउनुभयाे। 

महाेत्सव स्थलकाे आज (साेमबार) सरसफाई समेत गरिएकाे छ।