वालिङ,२३ असाेज- अवैध रुपमा नदिजन्य पदार्थ उत्खनन तथा ओसारपसार गरेकाे आराेपमा वालिङ नगरपालिका १० गाहाखोला स्थित आँधीखोलाको किनारबाट ग १ त ६११० नम्बरको ट्याक्टरलाई प्रहरीले नियन्त्रणमा लिएकाे छ।

आँधीखाेलाबाट बालुवा लोड गरी लैजाँदै गरेको अवस्थामा वडा प्रहरी कार्यालय वालिङबाट खटिएको प्रहरी टोलीले ट्याक्टर नियन्त्रणमा लिएको जिल्ला प्रहरी कार्यालय स्याङ्जाका प्रहरी नायव उपरीक्षक एवं सूचना अधिकारी प्रसन्न राज चौधरीले जानकारी दिनुभयाे।

बुधबार नियन्त्रणमा लिइएको ट्याक्टर र चालकलाई आवश्यक अनुसन्धान तथा कानुनी कारबाहीका लागि वालिङ नगरपालिकाको कार्यालय पठाइएको प्रहरीले जनाएको छ ।