अकला नमूना साना किसान सहकारीद्वारा शेयर सदस्य भेटघाट कार्यक्रम

वालिङ,२ भदौ–वालिङमा साना किसान कृषि सहकारीले शेयर सदस्य भेटघाट कार्यक्रम गरेको छ । वालिङ नगरपालिका ८ मा रहेको अकला नमूना साना किसान कृषि सहकारी संस्थाले महिलाहरुको पर्व तीजको अवसरमा शेयर सदस्य भेटघाट तथा दरखाने कार्यक्रम आज सोमबार गरेको हो ।
सदस्य भेटघाट तथा दरखाने कार्यक्रममा संस्थाका अध्यक्ष पुण्यप्रसाद अर्यालले सहकारीको शक्ति भनेको शेयर सदस्य रहेको बताउनुभयो । शेयर सदस्यहरुको लगानी र निर्णय नै सर्वोपरी हुने भएकाले सहकारी संस्था सदस्यहरुको शक्ति भएको अध्यक्ष अर्यालको भनाई थियो ।
उहाँले भन्नुभयो,“संस्थाले आयोजना गरेका कार्यक्रममा आउने र संस्थागत हितका लागि आ—आफ्ना कुराहरु खुलस्तरुपमा राख्नेगर्नुपर्छ । आँफूलाई लागेका कुरा राख्ने र के गर्दा राम्रो हुन्छ भन्ने सुझाव दिने गर्नुपर्छ । सञ्चालक समितिले पनि सोही अनुसार काम गर्दैजाने गर्दछ ।” केही सहकारीहरुका आर्थिक अनियमिताका कारण समस्या देखिएको साँचो हो, तर सबै सहकारीहरु त्यस्तो नरहेको अध्यक्ष अर्यालले बताउनुभयो ।

अकला नमूना साना किसान कृषि सहकारी आफ्नो मूल्य र मान्यता अनुसार सञ्चालनमा रहेकाले कुनै समस्या नरहेको उहाँको भनाई थियो । संस्थामा अधिकांश शेयर सदस्य महिलाहरु रहेकाले नजिकिदै गरेको नारीहरुको महान पर्व हरितालिका तीजको अवसरमा उहाँहरुको सम्मान स्वरुप दरखाने कार्यक्रम गरिएको हो ।
सहकारीमा सदस्य संख्या झण्डै २५ सयजना पुगिसकेकाले अबका वार्षिक साधारसभा प्रतिनिधीमूलकरुपमा गरिनेसमेत अध्यक्ष अर्यालले जानकारी गराउनुभयो ।
कार्यक्रममा उपस्थित शेयर सदस्यहरुले सहकारी सम्बन्धी विषय समेटेर तीजका भाकामा गीति प्रस्तुतिहरु राखेका थिए । तीजका चर्चित गीतहरुमा गरिएका नृत्य र राष्ट्रिय कलाकार घनश्याम रिजालको प्रस्तुतिले कार्यक्रमलाई निकै रमाइलो गराएको थियो ।

ताजा

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

तिहार पर्वलाई मर्यादित बनाउन स्याङ्जा प्रशासनको आग्रह

२०८३ कार्तिक २० गते, शुक्रबार

राम्दीमा बस र स्कुटरबाट १० हजार बढी पिस पटका बरामद

२०८३ कार्तिक २० गते, शुक्रबार

तीन दशकको पीडा र एक्लोपन पछि जमुनाले पाइन् मानवसेवा आश्रमकाे संरक्षण

२०८३ कार्तिक १९ गते, बिहीबार

स्याङ्जामा स्कुटर दुर्घटना हुँदा आमाको मृत्यु, छोरी घाइते

२०८३ कार्तिक ६ गते, शुक्रबार

विजया दशमीकाे शुभकामना

२०८३ कार्तिक ४ गते, बुधबार

आज दशैँकाे टीका

२०८३ कार्तिक ४ गते, बुधबार

मकै भण्डारण गर्ने काइदा,घरभरी मकैका झुत्ती

२०८३ कार्तिक २ गते, सोमबार

न आफन्त रहे, न घरः छैन दसैँको रौनक

२०८३ आश्विन ३१ गते, शनिबार

प्रधानमन्त्री वालेन्द्र शाहद्वारा बडादसैँको शुभकामना

२०८३ आश्विन ३१ गते, शनिबार

2026 Copyrights Reserved at gandakisamachar.com

Designed & Developed By:Web House Nepal