वालिङमा आँखा स्वास्थ्य शिविर ३२ जनामा मोतियाविन्दु, निःशुल्क शल्यक्रिया

वालिङ,२ भदौ–वालिङ नगरपालिकाको आयोजना र हिमालयन आँखा अस्पताल, पोखराको प्राविधिक सहयोगमा सञ्चालन गरिएको आँखा स्वास्थ्य शिविरमा उल्लेख्य संख्यामा नागरिकले सेवा लिएका छन् ।

वालिङ नगरपालिका ७ केवरेभञ्ज्याङ स्वास्थ्य चौकी र ११ नम्बर वडामा रहेको कालिका आधारभूत विद्यालयमा सञ्चालन गरिएको शिविरमा २६१ जनाले आँखा जाँच गराएका थिए । परीक्षणमा ३२ जनामा मोतियाविन्दु पत्ता लागेको स्वास्थ्य शाखा प्रमुख कमल पाण्डेले बताउनुभयो ।
पाण्डेका अनुसार शल्यक्रिया आवश्यक ठहरिएका बिरामीहरूको भदौ ४, ५ र ६ गते गह्रौ प्राथमिक अस्पताल वालिङमा निःशुल्क शल्यक्रिया गरिनेछ ।
यसरी गाउँ–गाउँमै पुगेर शिविर सञ्चालन गर्नु स्वास्थ्य सेवाको पहुँच विस्तार गर्ने महत्त्वपूर्ण अभ्यास रहेको नगरप्रमुख कृष्ण खाँणले बताउनुभयो । नगरप्रमुख खाँण भन्नुहुन्छ ,“मोतियाविन्दु जस्ता रोगहरू समयमै उपचार नगरे अन्धोपनको कारण बन्न सक्छन् । तर धेरै नागरिकले सुरुमा गम्भीरतापूर्वक लिँदैनन् । यसरी शिविरमार्फत प्रारम्भिक अवस्था पत्ता लाग्दा उपचार सजिलो हुन्छ । हामीले नियमित रूपमा यस्ता कार्यक्रमलाई निरन्तरता दिने योजना बनाएका छौं ।”
नेपालमा आँखा सम्बन्धी रोगहरू, विशेषगरी मोतियाविन्दु, बृद्ध उमेरसँगै धेरै देखिने समस्या हो । तर ग्रामीण भेगका नागरिकले उपचारमा ढिलाइ गर्ने, खर्चको अभाव वा अस्पताल पुग्न कठिनाइका कारण समस्या जटिल हुने गरेको कारण यो अभियानलाई निरन्तरता दिइएको नगरउपप्रमुख कविता तिवारीको भनाई छ । यस्ता अवस्थामा स्थानीय तहकै सक्रियतामा सञ्चालन हुने निःशुल्क शिविरले स्वास्थ्य अधिकारलाई व्यवहारमा उतार्ने महत्वपूर्ण भूमिका खेल्ने तिवारी बताउनुहुन्छ ।
नगरपालिकाका प्रमुख प्रशासकीय अधिकृत गंगालाल सुवेदीले यस कार्यक्रमलाई स्वास्थ्यप्रति नगरपालिकाको प्राथमिकताको प्रमाणका रूपमा लिएको बताउनुभयो । “नगरपालिकाले बजेट र स्रोतको व्यवस्थापन गर्दै नागरिकलाई नजिकमै स्वास्थ्य सेवा पु¥याउने लक्ष्य लिएको छ । आँखा स्वास्थ्य शिविर त्यसैको उदाहरण हो । यो केवल एकपटकको कार्यक्रम होइन, भविष्यमा पनि निरन्तर गरिनेछ,”सुवेदीको भनाई छ ।
वालिङ नगरपालिकाले गत वर्ष १५२ जनाको निशुल्क शल्यक्रिया गरेको थियो ।

ताजा

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

तिहार पर्वलाई मर्यादित बनाउन स्याङ्जा प्रशासनको आग्रह

२०८३ कार्तिक २० गते, शुक्रबार

राम्दीमा बस र स्कुटरबाट १० हजार बढी पिस पटका बरामद

२०८३ कार्तिक २० गते, शुक्रबार

तीन दशकको पीडा र एक्लोपन पछि जमुनाले पाइन् मानवसेवा आश्रमकाे संरक्षण

२०८३ कार्तिक १९ गते, बिहीबार

स्याङ्जामा स्कुटर दुर्घटना हुँदा आमाको मृत्यु, छोरी घाइते

२०८३ कार्तिक ६ गते, शुक्रबार

विजया दशमीकाे शुभकामना

२०८३ कार्तिक ४ गते, बुधबार

आज दशैँकाे टीका

२०८३ कार्तिक ४ गते, बुधबार

मकै भण्डारण गर्ने काइदा,घरभरी मकैका झुत्ती

२०८३ कार्तिक २ गते, सोमबार

न आफन्त रहे, न घरः छैन दसैँको रौनक

२०८३ आश्विन ३१ गते, शनिबार

प्रधानमन्त्री वालेन्द्र शाहद्वारा बडादसैँको शुभकामना

२०८३ आश्विन ३१ गते, शनिबार

2026 Copyrights Reserved at gandakisamachar.com

Designed & Developed By:Web House Nepal