वालिङ,१८ असार- वालिङ नगरपालिका वडा नम्बर ६ मा माेबाइल मर्मत तालिम सम्पन्न भएकाे छ। नेपाल सरकार श्रम तथा रोजगार मन्त्रालय , राष्ट्रिय व्यावसायिक प्रशिक्षण प्रतिष्ठान भैसेपाटी ललितपुरको आर्थिक सहयोग एवं नेपाल इन्जिनियरिङ एण्ड टेक्निकल साइन्स एकेडेमी प्रा. लि. सुर्खेतकाे सहकार्यमा २२५ घण्टे मोबाइल मर्मत तालिम सम्पन्न भएको हाे।

तालिममा सहभागिहरुलाई प्रमाणपत्र वितरण गर्दै वडा अध्यक्ष श्यामकृष्ण श्रेष्ठले तालिममा सहभागिहरुलाई आफुले सिकेकाे कुरालाई सहि सदुपयाेग गरेर स्वराेजगार बन्न आग्रह गर्नुभयाे। आफ्नाे हातमा सीप भएपछि त्षसकाे सहि सदुपयाेग गर्नुपर्नेमा जाेड दिनुभयाे।

तालिममा २० जना प्रशिक्षार्थीको सहभागिता रहेको थियाे।