वालिङ,१६ फागुन– वालिङ चेम्बर अफ कमर्सको आयोजनामा हुन लागेको प्रथम पिंक सिटी महोत्सव वालिङ २०८१ को तयारी अन्तिम चरणमा पुगेको आयोजक संस्थाले जनाएको छ ।
‘आर्थिक सामाजिक सम्पन्न समाज, समृद्ध वालिङ’ भन्ने मूल नारासहित सञ्चालन हुन गहिरहेको महोत्सवका बारेमा आज (शुक्रबार) महोत्सव स्थलमा आयोजित पत्रकार सम्मेलनमा यही फागुन २१ देखि चैत ३ गते सम्म वालिङ खेल मैदानमा सञ्चालन संचालन हुने महोत्सवको तयारी अन्तिम चरणमा पुगेको जानकारी गराइएको हो ।
पत्रकार सम्मेलनमा वालिङ चेम्बर अफ कमर्सका अध्यक्ष एवं महोत्सव मूल आयोजक समितिका संयोजक प्रकाश न्यौपाने (किरण) ले महोत्सवको मिति नजिकिँदै गर्दा तयारीको काम अन्तिम चरणमा पुगेको जानकारी गराउनुभएको हो । अध्यक्ष न्यौपानेले भन्नुभयो, “हामीले यो महोत्सव मार्फत वालिङको एटा छुट्टै पहिचान स्थापीत गर्ने गरि लागेका छौँ, यो वालिङलाई पिंक सिटीका रुपा देशैभर पहिचान महोत्सवले थप भूमिका खेल्ने छ ।” साथै उहाँले महोत्सव सफल पार्नका लागि आ–आफ्‌नो ठाउँबाट सहयोग गर्न समेत सबैलाई आग्रह गर्नुभएको छ ।

वालिङ चेम्बर अफ कमर्सका बरिष्ठ उपाध्यक्ष मणी पंगेनीले महोत्सव स्थलमा दुई सय ५० बढि स्टल रहने र स्टल धमाधम स्टल बुकिङ भइरहेको जानकारी दिनुभयो ।
महासचिव गणेश राउतले वालिङ नगरपालिकाले वालिङलाई पिंक सिटीको रुपमा घोषणा गरेर सोही अनुसार अगाडी बढेको अवस्थामा आफुहरुले पनि पिंक सिटीको अवधारणालाई सबै माझँ पुर्याउने उद्देश्यका साथ महोत्सवको आयोजना गरिएको बताउनुभो ।
महोत्सवमा विभिन्न प्रतियोगिताहरुको साथमा बाल उद्यानलगायतका मनोरञ्जनात्मक कार्यक्रहरु र स्थानीय तथा राष्ट्रिय कलाकारहरुका दैनिक प्रस्तुति रहनेछन् ।
भने स्थानीय कृषि प्रदर्शनी, कृषि क्षेत्रका समस्या र सम्भावना विषयक वृहत अन्तरक्रिया, विद्यालय स्तरीय नृत्य प्रतियोगिता, स्थानीय धार्मिक एवं पर्यटकीय क्षेत्रहरुको प्रचारप्रसार, पालिका स्तरीय भलिबल प्रतियोगिता, प्रचारात्मक टिकटक प्रतियोगिता गराइने छ । महोत्सव अवधिको गतिविधि टिकटक मार्फत प्रचारप्रसार गर्ने लाई लाईक आधारमा विजेता, उपविजेता छनोट गरि पुरस्कार प्रदान गरिने छ । टिकटक प्रतियोगितामा प्रथम, द्वितीय र तृतीय हुनेले १५ हजार, १० हजार र ५ हजार नगद पुरस्कार प्रदान गर्ने आयोजकले जनाएको छ ।
यसैगरी नगर स्तरीय रत्यौलीगीत प्रतियोगिता, शैक्षिक प्रदर्शनी तथा वृहत काव्य गोष्ठी स्याङ्जा किड्स डान्स आइडलको साथमा लाइभ कन्सर्टसमेत हुने आयोजकले जनाएको छ ।
महोत्सवको सह आयोजकमा वालिङ नगरपालिका र मुख्य प्रायोजक गरिमा विकास वैंक रहेको छ । यसैगरी प्रवद्र्धकमा नेपाल पर्यटन बोर्ड रहेका छन् ।