वालिङ,१२ फागुन–पूर्व राजा ज्ञानेन्द्र शाह स्याङ्जा आइपुग्नु्‌भएको छ । स्थलमार्ग हुदै आफै सवारी साधन चलाएर स्याङ्जा आइपुग्नुभएका पूर्व राजा शाह सोमबार वालिङ नगरपालिका स्थित भकुण्डेमा रहेको भेनस होटलमा बस्नुभएको छ ।
कालीगण्डकी गाउँपालिका वडा नम्बर ३ मा रहेको आलमदेवी मन्दिरको दर्शनका लागि स्याङ्जा आउनुभएका शाहका समर्थकहरुले उहाँलाई स्वागत गर्नुका साथै राजतन्त्रका बारेमा नारा लगाएका थिए ।
पूर्व राजा ज्ञानेन्द्र शाहले राजपरिवारको कुल देवताको रुपमा प्रख्यात रहेको आलमदेवी मन्दिरमा मंगलबार बिहान परिवार सहित दर्शन एवं पूजा गर्ने कार्यक्रम रहेको वीर गोर्खाली अभियान्ता बसन्त विक्रम पाण्डेले जानकारी दिनुभयो ।
जनताले देशको लागि राजा खोजेको पाण्डेको भनाइ थियो ।