स्याङ्जा,९ माघ–जिल्ला प्रशासन कार्यालयमा अन्तरक्रिया कार्यक्रम सम्पन्न भएको छ । प्रमुख जिल्ला अधिकारी सुनिता नेपालले बुधबार जिल्लामा रहेका पत्रकारहरुसंँग समसामयिक विषयमा छलफल तथा अन्तरक्रिया गर्नुभएको हो ।

कार्यक्रममा प्रमुख जिल्ला अधिकारी नेपालले पत्रकारहरुले समाजमा लुकेर रहेका समस्या, विकृत्ति र विसंगतिलाई उजागर गर्दै सभ्य समाज निर्माणमा अहम भूमिका निर्वाह गरेको बताउनुभयो । प्रशासनले समाजमा सुशासन कायम गर्न कुनै कसर बाँकी नराखेको बताउदै पत्रकारहरुद्वारा राखिएका जिज्ञासाका विषयमा प्रष्ट्याउनुभएको थियो । साथै प्रजिअ नेपालले प्रशासनले प्रत्येक महिनामा बजार अनुगमन गर्ने, मनसुन जन्य बिपदमा परेको हकमा राहत, उद्धार र पुनर्निर्माणको काममा जुटेको बताउनुभयो ।

कार्यक्रममा जिल्ला प्रहरी कार्यालय स्याङ्जाका डिएसपी हरिप्रसाद पौडेलले समाजमा शान्तिसुरक्षा कायम राख्न प्रहरी लागि परेको बताउदै यस कार्यमा सबैको सहयोग आवश्यको बताउनुभयो । साथै उहाँले कुनै प्रकारका घटनाहरु घटेको अवस्थामा प्रहरीलाई खबर गर्न समेत आग्रह गर्नुभयो ।
कार्यक्रममा जिल्ला प्रशासनको तर्फबाट पत्रकार महासंघ स्याङ्जाका नवनिर्वाचित पदाधिकारी तथा सदस्यहरुलाई बधाई तथ शुभकामना व्यक्त गरिएको थियो ।