वालिङ१४ मङ्सिर- नेपाल सरकारका सञ्चार तथा सूचना प्रविधिमन्त्री पृथ्वीसुब्बा गुरुङले सहमतिकाे आधारमा संविधान संशाेधन हुने बताउनुभएकाे छ। 

कालीगण्डकी गाउँपालिका द्वारा आयाेजित छैटौं अध्यक्ष कप तथा खेलकुद महोत्सवको शुक्रबार उद्घाटन गर्दै उहाँले साे कुरा बताउनुभएकाे हाे। संविधान एक गतिशिल दस्तावेज भएकाेले देशकाे आवश्यकताका आधारमा संशाेधन हुने बताउनुभएकाे हाे। विकासका गतिविधिलाई अगाडि बढाउन बाधा पुर्याउने नियम कानूनलाई परिवर्तन गरेर तिब्र गतिमा विकास गर्ने याेजनाका साथ सरकार अगाडि बढेकाे सरकारका प्रवक्ता समेत रहनुभएका सञ्चार मन्त्री गुरुङले बताउनुभयाे। 

काम गर्ने ताैरतरिकालाई परिवर्तन नगरेसम्म जनताकाे विकासकाे तिब्र आकाङ्छालाई पूरा गर्न नसकिने मन्त्री गुरुङकाे भनाइ थियाे। 

पालिकाले खेलकुदका क्षेत्रमा प्राथमिकताका साथ काम गरेकाे बताउदै कालीगण्डकी गाउँपालिकाबाट उत्पादन भएका खेलाडीहरु राष्ट्रिय स्तरमा प्रतिस्पर्धा गर्न सक्ने भएकाे गाउँपालिकाका अध्यक्ष खिमबहादुर थापाले बताउनुभयाे। शुक्रबारबाट खुरुभएकाे खेल्कुद महाेत्सव मङ्सिर १६ गते सम्म सञ्चालन हुने खेलमा सात विधामा २२ खेल खेलाइएकाे छ भने करिव सात सय जना खेलाडीहरु सहभागी भएकाे पालिकाले जनाएकाे छ।