वालिङ,१५ असार– फेदीखोला गाउँपालिकामा पहिरोमा पुरिएर ज्यान गुमाएका परिवारका सदस्यलाई जिल्ला प्रशासन कार्यालय स्याङ्जाले आर्थिक सहयोग उपलब्ध गराएको छ। गएराती फेदीखोला वडा नम्बर ५ बाँगेमा घर माथिबाट आएको पहिरोले घर पुरिदा ३१ वर्षीय दुर्गा जिटी र ३ वर्षीय निसिका जिटीको पुरिएर मृत्यु भएको थियो ।

प्रमुख जिल्ला अधिकारी सुनिता नेपालको नेतृत्वमा जिल्ला प्रहरी कार्यालयका प्रहरी उपरीक्षक शालिग्राम शर्मा, जिल्ला अस्पतालका चिकित्सकसहितको टोली घटनास्थल पुगेर पुगेर रु १५ हजार उपलब्ध गराइएको र अन्य थप राहत रकम पछि संघिय सरकारबाट उपलब्त्र गराइने जनाइएको छ । प्रमुख जिल्ला अधिकारी नेपालले पीडित परिवारलाई सो रकम हस्तान्तरण गर्नुभएको हो ।