वालिङ,३ वैशाख- बस बाट खसेर एक विद्यार्थीको मृत्यु भएको छ ।

वालिङ नगरपालिका वडा नम्बर १३ बायाँटारीमा लु १ ख ६८९७ नम्बरको बसबाट खसेर परीक्षा दिएर डेरा तर्फ फर्किदै  गरेका विद्यार्थी अमित शाहको मृत्यु भएको जिल्ला प्रहरी कार्यालय स्याङ्जाकाले जनाएकाे छ। 

सर्लाहीको मलङ्गवा नगरपालिका वडा नम्बर ६ घर भई वालिङ नगरपालिका १ स्थित रणवीर जनहित मावि खहरेमा ईलेक्ट्रिक ईन्जिनियरिङ अध्ययनरत २० वर्षीय शाहकाे बुटवलबाट पाेखरा जाँदै गरेकाे बासकाे ढाेकाबाट सिद्धार्थ राजमार्गकाे बायाँटारीमा बसको ढोकाबाट खस्दा सोही बसको टायरले किचेको प्रहरीले जनाएको छ ।

मृतक शाह वालिङ बायाँटारी स्थित भूपू सैनिक मावि केन्द्रबाट परीक्षा दिएर फर्कँदै गरेका थिए । 

घटनाकाे बारेमा अनुसन्धान भइरहेकाे जिल्ला प्रहरी कार्यालय स्याङ्जाका प्रवक्ता प्रहरी निरीक्षक पावल सिंह लामाले जानकारी दिनुभयाे ।