तस्विरः जिल्ला प्रहरी कार्यालय स्याङ्जा ।
वालिङ,२१ मङ्सिर- सिद्धार्थ राजमार्गको पुतलीबजार नगरपालिका वडा नम्बर १० मा बुटबलबाट पोखरा तर्फ जादै गरेको ट्रक दुर्घटना हुदा चालक घाइते भएको प्रहरीले जनाएको छ ।
लु २ ख ५७५५ नम्बरको मालबहाक ट्रक दुर्घटना हुदा ट्रकका चालक पाल्पा जिल्ला तान्सेन नगरपालिका ७ धोबीघाटका ३२ वर्षीय केशब घिमिरे घाइते भएको जिल्ला प्रहरी कार्यालय स्याङ्जाका प्रहरी नायव उपरीक्षक इन्द्र बहादुर रानाले जानकारी दिनुभयो । घाइते घिमिरेको ढाड, हात र खुट्टामा चोट लागेको छ भने उपचारको लागि जिल्ला अस्पताल लगिएको प्रहरीले जनाएको छ । मिनि ट्रकको स्टेरीङ लक हुदा अन्दाजी २ सय मिटर तल आँधिखोलामा खसेको प्रहरीको भनाइ रहेको छ ।