स्याङ्जा,८ असोज-जिल्ला प्रहरी कार्यालय स्याङ्जाले प्रहरी सहायक हवल्दार युवराज तिमिल्सेनालाई ‘उत्कृष्ट प्रहरी’का रुपमा सम्मान गरेको छ ।
लामो समयदेखी फरार रहेका प्रतिवादीहरु संगै लागु औषध, चोरी र सरकारी छाप किर्ते गर्ने जस्ता गिरोहलाई पक्राउ गर्न सफल भएको भन्दै प्रहरी सहायक हवल्दार युवराज तिमिल्सेनालाई जिल्लामै ‘उत्कृष्ट प्रहरी’का रुपमा कदरपत्रले सम्मान गरिएको हो ।
नेपाल प्रहरीको महिनाको उत्कृष्ट प्रहरी छनोट कार्यविधि २०७९ अनुसार तिमिल्सेनालाई भदौ महिनाको उत्कृष्ट प्रहरीका रुपमा सम्मान गरिएको जिल्ला प्रहरी कार्यास्याङ्जाले जनाएको छ ।
जिल्ला प्रहरी कार्यालय स्याङ्जाका प्रमुख प्रहरी उपरीक्षक संजय बहादुर राउतले एक कार्यक्रमका बिच तिमिल्सेनालाई कदरपत्र हस्तान्तरण गरेर सम्मान गर्नुभएको हो । वडा प्रहरी कार्यालय वालिङमा दरबन्दी रहेका तिमिल्सेना हाल जिल्ला प्रहरी कार्यालय स्याङ्जामा कार्यरत हुनुहुन्छ ।