वालिङ,९ असोज- पराजुली मोबाइल सेन्टरको आयोजनामा रिटेलर्स मीट कार्यक्रम सम्पन्न भएको छ । वालिङ नगरपालिका ६ मिर्दी स्थित नेचुरल भ्यू प्वाइन्टको सभाहलमा भएको कार्यक्रममा स्याङ्जा जिल्लाका मोबाइल ब्यावसायीहरुको सहभागिता रहेको थियो ।

कार्यक्रममा जगदम्बा मोबाइल प्रालिका नेस्नल सेल्स म्यानेजर कोनाल सिंले कम्पनी द्वारा उत्पादन गर्दै आएको रियल मी मोबाइलका बारेमा जानकारी गराउनुभएको थियो । उहँले कम्पनीले नयाँ नयाँ फिचर सहितका मोबाइहरु बजारमा ल्याएको बताउदै यस कम्पनीका मोबाइलहरु ढुक्क भएर बिकृका साथै प्रयोग गर्न आग्रह गर्नुभएको थियो । सोही कार्यक्रममा वर्ष भरिमा रियल मी मोबाइलको बिकृवितरण गर्ने उत्कृष्ट ब्यापारिहरुलाई सम्मान समेत गरिएको थियो ।

मोबाइल ब्यावसायीहरुलाई यस क्षेत्रमा ब्यापार ब्यावसायको प्रवर्धनका साथै रियलमी मोबाइलका नयाँ नयाँ प्रोडक्टका बारेमा जानकारी दिने उद्देश्यले कार्यक्रमको आयोजना गरिएको कार्यक्रमका आयोजक पराजुली मोबाइल सेन्टरका सञ्चालक केशव पराजुलीले बताउनुभयो ।
मोबाइल एसोसिएसन वालिङका अध्यक्ष विनोद पराजुलीको स्वागत मन्तव्य संगै सुरुभएको कार्यक्रम पराजुली मोबाइल सेन्टरका सञ्चालक केशव पराजुलीको अध्यक्षता र नेत्र गैह्रेको सञ्चालनमा सम्पन्न भएको थियो ।