कलाकार गैह्रेको जन्मदिन फेदीखोलाको अमोर सेवा बालगृहमा
गोपाल जिटी
वालिङ,६ साउन-राष्ट्रिय लोक तथा दोहोरीगीत प्रतिष्ठान नेपाल स्याङ्जा शाखाकी कोषाध्यक्ष कमला गैह्रेले आफ्नो जन्मदिन बाल गृहमा मनाउनु भएको छ । कास्कीको पोखरालाई कर्मक्षेत्र बनाउनुभएकि लोकदोहोरी गायिका गैह्रेले स्याङ्जाको फेदीखोलास्थित अमोर सेवा बालगृहमा शनिबार आफ्नो जन्मदिन मनाउनु भएको हो ।
विगतका वर्षमा अन्य स्थानमा मनाए पनि यस पटक आफ्नै जिल्लामा सञ्चालित बालगृहमा जन्मदिन मनाउन आएको कलाकार गैह्रेले बताउनुभयो । आँफू सानैदेखि आमाको मायाबाट बञ्चित भएको हुँदा पनि बालगृहमा आएर जन्मदिन मनाउने सोँच बनाएको उहाँले बताउनुभयो । भावुकहुँदै उहाँले भन्नुभयो,“म पनि सानैदेखि आमाको न्यानो काखबाट बञ्चित भएकि हुँ । कहिले जाऔं र भेटुँ भन्ने लागेको थियो । समय र परिस्थिति मिल्नु र मिलाउनुपर्यो । एकजना महिला जसले यति धेरै अनाथ बालबालिकालाई मायालुभावसहित आमाको भूमिका निभाउनु भएको छ, गर्व लाग्छ । आज समय जुर्यो, सानो सहयोग लिएर आएकि छु । आगामी दिनमा पनि आफ्नो क्षमताले भ्याएसम्म साथ र सहयोग रहने प्रतिवद्धता व्यक्त गर्दछु ।”
बालबालिकालाई केक खुवाउँदै कलाकार गैह्रेले बालगृहकी अध्यक्ष कमला पराजुलीलाई नगद रु.१३ हजार ३ सय ५ प्रदान गर्नुभयो ।

यसैगरी फेदीखोला २, स्थानचौरका २ वर्षीय बालक आहान पौडेलको जन्मदिनका अवसरमा उनका अभिभावकहरुले रु. ५ हजार बराबरको दैनिक उपभोग्य सामग्री बालगृहलाई प्रदान गरेका छन् ।
फेदीखोला गाउँपालिका वडा नम्वर १ कटुजेस्वाँरास्थित यो बालगृहमा स्याङ्जासहित पर्वत, रुकुम र मुगुका गरी ३० जना बालबालिका छन् । उनीहरुको पढाई लेखाईसहित सम्पूणर् लालनपालनको काम बालगृहले गर्दै आएको छ । यो बालगृहमा नर्सरीदेखि स्नातकतहमा अध्ययन गर्ने बालबालिका छन् ।

बालगृह सञ्चालनमा कुनै एनजियो, आइएनजियोको सहयोग लिइएको छैन । एनजियो, आइएनजियोले सर्तमा सहयोग गर्ने बुझेपछि उचित नठानेको अध्यक्ष पराजुलीले बताउनुभयो । यसैगरी विभिन्न व्यक्ति, संघ संस्थाहरुको सहयोगमा अमोरसेवा चलिरहेको उहाँले बताउनुभयो । मानव सेवा ठूलो धर्म हो । सडक बालबालिकाहरुले पनि बाँच्न पाउनुपर्छ र विभिन्न अवसरहरु प्राप्त गर्नुपर्छ भन्ने अभिप्रायले बालगृह सञ्चालनको सोच बनाएको उहाँको भनाई छ ।
यस अवसरमा कलाकार गैह्रे र जगत गौंडेलले गाएको गीतमा बालबालिकाहरु खुसियाली मनाउदै नाचेका थिए ।

ताजा
आज भाइटीका, उत्तम साइत बिहान ११ बजेर ७ मिनेटमा
२०८३ कार्तिक २५ गते, बुधबार
आज भाइटीका, उत्तम साइत बिहान ११ बजेर ७ मिनेटमा
२०८३ कार्तिक २५ गते, बुधबार
तिहार पर्वलाई मर्यादित बनाउन स्याङ्जा प्रशासनको आग्रह
२०८३ कार्तिक २० गते, शुक्रबार
राम्दीमा बस र स्कुटरबाट १० हजार बढी पिस पटका बरामद
२०८३ कार्तिक २० गते, शुक्रबार
तीन दशकको पीडा र एक्लोपन पछि जमुनाले पाइन् मानवसेवा आश्रमकाे संरक्षण
२०८३ कार्तिक १९ गते, बिहीबार
स्याङ्जामा स्कुटर दुर्घटना हुँदा आमाको मृत्यु, छोरी घाइते
२०८३ कार्तिक ६ गते, शुक्रबार
विजया दशमीकाे शुभकामना
२०८३ कार्तिक ४ गते, बुधबार
आज दशैँकाे टीका
२०८३ कार्तिक ४ गते, बुधबार
मकै भण्डारण गर्ने काइदा,घरभरी मकैका झुत्ती
२०८३ कार्तिक २ गते, सोमबार
न आफन्त रहे, न घरः छैन दसैँको रौनक
२०८३ आश्विन ३१ गते, शनिबार





















