रामपुर,६ साउन-रोटरी क्लब अफ रामपुरको अध्यक्षमा सागरप्रसाद देवकोटा चयन हुनुभएको छ । रोटरी क्लब अफ रामपुरको स्थापनाको तेस्रो वर्षको अवसरमा क्लबको नियम अनुसार एक कार्यक्रम गरी देवकोटालाई अध्यक्ष पद हस्तान्तरण गरिएको हो ।
विभिन्न सामाजिक क्षेत्रमा काम गर्दै आएको क्लबको अध्यक्षमा चयन हुनुभएका देवकोटालाई शनिबारनै चार्टर सर्टिफिकेट प्रदान गरिएको छ । क्लबका पूर्व अध्यक्ष रुद्रनारायण श्रेष्ठले देवकोटालाई पद हस्तान्तरण गर्नुभएको हो । क्लबको प्रेसिडेन्ट इलेक्टमा कृतिनाथ श्रेष्ठ, पे्रसिडेन्ट नोमिनीमा गोविन्दप्रसाद देवकोटा, कोषाध्यक्षमा सूर्यप्रसाद श्रेष्ठ, सह-कोषाध्यक्षमा कृष्णप्रसाद अर्याल, सचिवमा गोविन्द पाठक, सह सचिवमा कृष्टिना श्रेष्ठ रहनुभएको छ ।
कार्यक्रममा लुम्बिनी प्रदेशसभा सदस्य राजुप्रसाद श्रेष्ठले क्लबको संस्थापक अध्यक्षको रुपमा आफूले गरेका कामहरुको बारेमा चर्चा गर्दै कोभिडको समयमा स्वास्थ्य सामग्री वितरणदेखि विद्यालयहरुमा शैक्षिक सामग्री , विद्यालय पोशाक वितरण लगायतका काम गरेको बताउनुभयो । उहाँले रोटरी क्लब सामाजिक भावनाले काम गर्ने क्लब भएकोले यसको विकास र विस्तार आवश्यक रहेकोमा जोड दिनुभयो ।
क्लबका जिएसआर कृष्णप्रसाद अर्याल र एजी सुनिल श्रेष्ठले रोटरीको उद्देश्य तथा अवधारणाबारे बताउदै आगामी दिनमा महिला सहभागीतालाई बढाउनका निम्ति छोरी शिक्षा अक्षयकोषको स्थापना गर्ने लक्ष्य रहेको जानकारी दिनुभयो ।
कार्यक्रममा अध्यक्ष सागरप्रसाद देवकोटाले रोटरीलाई अझ क्रियाशिल बनाउदै समाज सेवाका कामलाई अझ सशक्त तरिकाले गर्ने प्रतिवद्धता व्यक्त गर्नुभयो ।
कार्यक्रममा रामपुर नगरपालिका वडा नम्बर ५ का वडाअध्यक्ष दुर्गाप्रसाद पोखरेल, सामुदायिक रेडियो रामपुरका नि. स्टेशन प्रवन्धक सिर्जना घिमिरे लगायतले रोटरीले गरेका कामको प्रशंसा गर्दै, आगामी दिनमा गर्नुपर्ने कार्यका सन्दर्भमा सुझाव दिनुभयो ।
क्लबका कोषाध्यक्ष सूर्यप्रसाद श्रेष्ठले वर्ष सन् २०२३/२०२४ को कार्ययोजना प्रस्तुत गर्नुभएको थियो ।
कार्यक्रममा पे्रसिडेन्ट नोमिनी गोविन्दप्रसाद देवकोटाले धन्यवाद दिनुभएको भने कार्यक्रम सचिव गोविन्द पाठकले सञ्चालन गर्नुभएको थियो ।