वालिङ,१८ असार-भीरकोट नगरपालिकामा एकल महिलाहरुका लागि क्षमता अभिवृद्धि तालिम सम्पन्न भएको छ । सामाजिक विकास कार्यालय स्याङ्जाको आयोजनामा भीरकोट नगरपालिकाको समन्वयमा सोमबार एक दिने एकल महिलाहरुका लागि सामाजिक कुरिति विरुद्धको अभियान तथा क्षमता अभिवृद्धि तालिम सम्पन्न भएको हो ।
तालिमको अवसरमा नगरप्रमुख गोविन्द कुमार कर्माचार्यले एकल महिलाहरुलाई हेर्ने दृष्टिकोणमा परिर्वतन ल्याउनुपर्ने बताउदै समाजको विकासमा एकल महिलाहरुको पनि उत्तिकै महत्व र भूमिका रहेको बताउनुभयो । सरात्मक सोँचले नै सिंगो समाजलाई परिर्वतन गर्ने भएकोले परम्परागत रुपा रहेका गलत संस्कारहरु हटाउन आवश्यक रहेको नगरप्रमुख कर्माचार्यको भनाइ थियो ।
तालिममा नगरभित्रका ७० जना एक महिलाहरुको सहभागिता रहेको कार्यक्रममा मानव सेवा आश्रमका हुमनाथ तिमिल्सिनाले सहजीकरण गर्नुभएको थियो । कार्यक्रममा उपप्रमुख भगवती अर्याल, वडा नं. ८ का अध्यक्ष नन्दु खनाल लगायतले बोल्नुभएको थियो ।
यसैबीचमा भीरकोट २ सिटिहलमा गरिवि निवारणका लागी लघुउद्यम विकास कार्यक्रम अन्र्तगत बैंक तथा वित्तिय संस्था र लघु कर्जा विषयक अभिमुखीकरण कार्यक्रम सम्पन्न भएको छ । लघुउद्यम विकास कार्यक्रम अन्तरगत यसअघि विभिन्न सिपमुलक तालिम लिएका ५० जनालाई वित्तिय संस्था र कर्जा विषयक अभिमुखीकरण तालिम दिईएको दिएको थियो ।