वालिङ,८ असार- भीरकोट नगरपालिकाले आगामी आर्थिक वर्षको लागि बजेट सार्वजानिक गरेको छ । नगरपालिकाको १२ औं नगरसभाले आर्थिक वर्ष २०८०/०८१ का नीति तथा कार्यक्रमहरू कार्यान्वयन गर्न लागिका लागि रू ७८ करोड ८२ लाख १६ हजारको बजेट विनियोजन गरेको छ ।
कुल विनियोजित रकम मध्ये चालु तर्फ रु ५८ करोड १५ लाख १६ हजार अर्थात ७४.४१ प्रतिशत रहेकोमा सशर्त अनुदान तर्फको चालु खर्च रु ४३ करोड ८५ लाख अर्थात ५५.६३ प्रतिशत र नगरपालिका तर्फको चालु खर्च रु १४ करोड ३० लाख १६ हजार अर्थात १८.१४ प्रतिशत रहेको छ । त्यसैगरी कुल विनियोजित रकम मध्ये पुँजी गत खर्चतर्फ रु २० करोड १७ लाख अर्थात २५.५९ प्रतिशत र सामाजिक सुरक्षा खर्च तर्फ रु १८ करोड अर्थात २२.८३ प्रतिशत रहेको छ ।

आगामी आर्थिक वर्ष २०८०/०८१ का लागि अनुमान गरिएको कुल विनियोजित रकम मध्ये गत वर्षको नगद मौज्दात बाट ५० लाख, आन्तरिक राजस्वबाट रु ७ करोड ३१ लाख ३४ हजार १ सय, संघीय र प्रदेश सरकारबाट प्राप्त हुने राजस्व बाँडफाँटबाट रु ९ करोड ९७ लाख ९६ हजार ९ सय, अन्तर सरकारी वित्तीय हस्तान्तरण बाट ४२ करोड ५२ लाख ८५ हजार र अन्य स्रोतबाट ५० लाख गरि जम्मा रु ६० करोड ८२ लाख १६ हजार १६ हजार हुने अनुमान गरिएको छ ।