वालिङ,८ असार- स्याङ्जाको विरुवा गाउँपालिकामा पोसिलो झोला वितरण गरिएको छ ।
गाउँपालिका भित्र रहेका गाउँपालिका २ सय ६४ महिलाहरुलाई पोसिलो झोला वितरण गरिएको गाउँपालिका स्वास्थ्य शाखा प्रमुख गोगन सिंह थापाले जानकारी दिनुभयो ।
सुनौलो हजार दिनका महिलाहरुलाई पोखिलो खानेकुराको आवश्यक्ता पर्ने भएकोले पोषण युक्त खानेकुराहरु खानुपर्छ भन्ने सन्देश दिने उद्देश्यले सुनौलो हजार दिनका महिलाहरुलाई पोसिलो झोला वितरण गरिएको शाखा प्रमुख थापाले बताउनुभयो ।
पोषण युक्त खाने कुराका साथै सरसफाइ संग सम्बन्धीत सामग्री वितरण गरिएको गाउँपालिकाले जनाएको छ ।
दैनिक खानेखानालाई पोषण युक्त बनाउन नमुनाको रुपमा सन्तुलित आहार राखिएको खाद्यय सामग्री सहितको झोला वितरण गरिएको हो । पालिका भित्र रहेका सुनौलो हजार दिनका महिलाहरुलाई एक कार्यक्रमका विच गाउँपालिका अध्यक्ष सूर्य बहादुर कुँवरले पोसिलो झोला वितरण गर्नुभएको हो ।