वालिङ गोल्ड कप फुटवल प्रतियोगिता पुस ३० देखि सुरु, अफ्रिकाका खेलाडी सहभागी हुने
वालिङ,२७ पुस– वालिङमा पहिलो वालिङ गोल्ड कप राष्ट्रिय फुटवल प्रतियोगिता हुने भएको छ । पहिलो वालिङ गोल्ड कप राष्ट्रिय फुटवल प्रतियोगिता यही पुस ३० गते देखि सुरु हुने आयोजक वालिङ युनाइटेड क्लवका अध्यक्ष लालबहादुर ज्वारचनले बुधबार पत्रकार सम्मेलन मार्फत जानकारी दिनुभयो ।
पहिलो वालिङ गोल्ड कप राष्ट्रिय फुटवल प्रतियोगितामा राष्ट्रिय तथा अन्तरराष्ट्रिय खेलाडीका बीच प्रतिस्पर्धा हुने छ । प्रतियोगितामा नेपालका प्रतिष्ठित ए डिभिजन क्लव र विदेशी क्लवसहित ८ समूहको सहभागिता रहने अध्यक्ष ज्वारचनले बताउनुभयो ।

अध्यक्ष ज्वारचनका अनुसार त्रिभुवन आर्मी, शसस्त्र प्रहरी बल (एपिएफ), साहरा फुटवल क्लव पोखरा, केबीए बीएफएस चितवन, लिस्नु क्लव कोटिहवा रुपन्देही, एभिनेयर फुटवल क्लव अफ्रिका र स्थानीय दुई टीमसहित ८ समूहका बीच प्रतियोगिता हुने छ ।
प्रतियोगिताको विजेताले रु ५ लाख र उपविजेताले २ लाख पचास हजार नगदसहित ट्रफी, मेडल र प्रमाणपत्र प्राप्त गर्नेछन् । ठूलो धनराशीको पुरस्कारसहित राष्ट्रिय तथा अन्तरराष्ट्रिय खेलाडीका बीच जिल्लामै पहिलो फुटवल प्रतियोगिता आयोजना गरिएको अध्यक्ष ज्वारचनले बताउनुभयो ।

यो सँगै आगामी दिनमा वालिङ गोल्ड कप राष्ट्रिय फुटवल प्रतियोगितालाई निरन्तरता दिने ज्वारचनको भनाइ थियो । पहिलो राउण्डका ४ खेल हेर्नेहरुका लागि प्रति टिकट रु १ सय लाग्ने छ भने दर्शकहरुका लागि प्यारापिटको व्यवस्था गरिएको छ ।
पहिलो वालिङ गोल्डकप सम्पन्न गर्न २० देखि २५ लाखसम्म खर्च हुने अनुमान गरिएको क्लवले जनाएको छ । पुस ३० गते देखि सुरुहुने पहिलो वालिङ गोल्डकप माघ ७ गतेसम्म सञ्चालन हुने छ । गत असोस २८ देखि कात्तिक ३ गतेसम्म गण्डकी प्रदेशको पोखरामा सञ्चालित राष्ट्रिय खेलकुद प्रतियोगिता अन्तर्गत राष्ट्रिय महिला फुटबलको खेल वालिङमा भएको थियो ।
वालिङ नगरपालिकाले खेलमैदानमा दुवो विछ्उनुका साथै थप व्यवस्थापन गरे सँगै राष्ट्रिय महिला फुटबलको खेल सञ्चालन भएको हो । पहिलो वालिङ गोल्डकप फुटवल राष्ट्रियस्तरको दोस्रो ठूलो प्रतियोगिता हो । योे सँगै राष्ट्रियस्तरका प्रतियोगिताले वालिङमा निरन्तरता पाउने खेलाडी तथा खेलप्रेमीहरुको विश्वास छ ।
ताजा
आज भाइटीका, उत्तम साइत बिहान ११ बजेर ७ मिनेटमा
२०८३ कार्तिक २५ गते, बुधबार
आज भाइटीका, उत्तम साइत बिहान ११ बजेर ७ मिनेटमा
२०८३ कार्तिक २५ गते, बुधबार
तिहार पर्वलाई मर्यादित बनाउन स्याङ्जा प्रशासनको आग्रह
२०८३ कार्तिक २० गते, शुक्रबार
राम्दीमा बस र स्कुटरबाट १० हजार बढी पिस पटका बरामद
२०८३ कार्तिक २० गते, शुक्रबार
तीन दशकको पीडा र एक्लोपन पछि जमुनाले पाइन् मानवसेवा आश्रमकाे संरक्षण
२०८३ कार्तिक १९ गते, बिहीबार
स्याङ्जामा स्कुटर दुर्घटना हुँदा आमाको मृत्यु, छोरी घाइते
२०८३ कार्तिक ६ गते, शुक्रबार
विजया दशमीकाे शुभकामना
२०८३ कार्तिक ४ गते, बुधबार
आज दशैँकाे टीका
२०८३ कार्तिक ४ गते, बुधबार
मकै भण्डारण गर्ने काइदा,घरभरी मकैका झुत्ती
२०८३ कार्तिक २ गते, सोमबार
न आफन्त रहे, न घरः छैन दसैँको रौनक
२०८३ आश्विन ३१ गते, शनिबार





















