पोखरा,२९ भदौ- पोखरा महानगरपालिका ८ मा रहेको सनसाइन बचत तथा ऋण सहकारी संस्थाले लामो समय सम्म संस्थामा रहेर प्रबन्धकको रुपमा काम गर्दै आउनुभएका नरेन्द्र बहादुर मित्रकोटीलाई सम्मान एवं विदाइ गरेको छ । सहकारी संस्थामा रहेर लामो समय सम्म संस्थाको प्रबन्ध संचालकको रुपमा काम गरेर संस्था प्रति पुर्याएको योगदानको उच्च मूल्याङ्कन गर्दै मित्रकोटीलाई सम्मान गरिएको सहकारी संस्थाले जनाएको छ ।

एक कार्यक्रमका बिच गण्डकी प्रदेश सभा सदस्य एवं शिक्षा उपसमिति संयोजक राजीव पहारीले मित्रकोटीलाई दोशल्ला ओडाएर सम्मान गर्नुभएको थियो । सम्मान कार्यक्रममा बोल्दै प्रदेश सभा सदस्य पहारीले संस्थाको प्रगतिमा कर्मचारीको महत्वपूणर् भूमिका हुनेभएकोले कर्मचारीको सम्मानले काम गर्न थप हौसला प्रदान गर्ने बताउनुभयो ।

संस्थाको प्रबन्धकको भूमीकाबाट आफु बाहिर भए पनि संस्थामा संचालक समितिको सचिवको रुपमा अजै जिम्मेवारीका साथ काम गर्ने र आफ्नो कामको कदर गर्दै सम्मानित गरेकोमा संस्था प्रति धन्यवाद दिदै संस्थाको हितमा निरन्तर लागिरहने सम्मानित हुनुभएका मित्रकोटीले बताउनुभयो । सम्मानले आफुमा थप हौसला मिलेको उहाँको भनाइ थियो ।संस्थाका अध्यक्ष गजकुमारी गुरुङको अध्यक्षतामा भएको कार्यक्रमको संचालन संस्थाका कोषाध्यक्ष नवराज अधिकारीले गर्नुभएको थियो ।