काठमाडौं,७ जेठ– नेकपा एमालेका सांसद जयकुमार राईले कांग्रेस सभापति शेरबहादुर देउवालाई प्रधानमन्त्री बनाउने सांसदको सूचीमा आफ्नो हस्ताक्षर दुरुपयोग गरिएको बताउनुभएको छ । सांसद राईले आफ्नो हस्ताक्षर दुरुपयोग भएको भन्दै राष्ट्रपतिलाई पत्र पठाउनुभएको छ ।

सुनसरी क्षेत्र नम्बर १ बाट निर्वाचीत सांसद राईले आफू एमालेको सांसद रहेको र आफ्नो अध्यक्षको विरुद्धका विपक्षी पार्टीका नेतालाई प्रधानमन्त्री बनाउने गरी कुनै हस्ताक्षर नगरेको राईले पत्रमा उल्लेख गर्नुभएको छ ।
माधव नेपाल पक्षका राईले पहिलेकै हस्ताक्षर दुरुपयोग भएको बताउनुभएको छ । यसै गरी एमाले नेताहरु योगश भट्टराई र सुरेन्द्र पाण्डेले पनि देउवालाई प्रधानमन्त्री बनाउन हस्ताक्षर नगरेको बताउनुभएको छ ।