स्याङ्जा,४ जेठ– फेदीखोला गाउँपालिका अनलाइन मार्फत विद्यालयको नतिजा प्रकाशन गरेको छ ।गाउँपालिकाले आज एक कार्यक्रमका बिच कक्षा ८ को नतिजा प्रकाशन गरेको हो ।

कोरोना संक्रमणका कारण गाउँपालिकाले भर्चुअल माध्यामबाट अनलाइन मार्फत नतिजा प्रकाशन गरेको जनाएको छ । नतिजा प्रकाशन कार्यक्रमको उद्घाटन गर्दै गाउँपालिका अध्यक्ष घनश्याम सुवेदीले एसईई जस्तै गरि गाउँपालिका भित्रका विद्यालयका कक्षा ८ का विद्यार्थीहरुको नतिजा हेर्न सकिने बताउनुभयो ।

गाउँपालिको शिक्षालाई प्रविधीमैत्री बनाउदै लगेको र यो अहिलको आवश्क्ता समेत भएको बताउनुभयो । कुनै पनि विद्यार्थीको नतिजा हेर्नको लागि गाउँपालिकाले निर्माण गरेको वयेवसाइटमा गएर विद्यार्थीको मार्कसिट सहितको नतिजा हेर्न सकिने गाउँपालिकाले जनाएको छ । गाउँपालिकाका शिक्षा शाखा प्रमुख रामचन्द्र गुरुङले परीक्षमा २ सय ३० जना विद्यार्थी सहभागि भएको र सहभागि सबै विद्यार्थीहरु उत्रीण भएको जानकारी दिनुभयो ।

गाउँपालिकाले वैशाख १६ गते देखि २० गते सम्म परीक्षा सञ्चालन गरेको थियो । कोरोना संक्रमणका कारण धेरै पालिका र विद्यालयहरु अन्योलमा रहेकै अवस्थामा फेदीखोला गाउँपालिकाले विद्यार्थीको नतिजा प्रकाशन गरेको हो ।
जततउस्ररउजभमष्पजयबिmगल।नयख।लउरदभि)चभकगतिरु