वालिङ,२९ वैशाख– जिल्लामा कोरोना संक्रमितको संख्या तीब्ररुपमा बढे पछि जिल्ला प्रशासन कार्यालय स्याङ्जाले निषेधाज्ञालाई थप गरेर जेठ १५ गते सम्म पर्याएको छ ।
आज बसेको कोभिड संकट व्यवस्थापन केन्द्रको बैठकको सिफरिस तथा जिल्ला सुरक्षा समितिको निर्णय अनुसार वैशाख ३१गते सकिने निषेधाज्ञालाई बढाएर जेठ १५ गते सम्म पुर्याएको हो ।
कोरोना संक्रमितको संख्या बढे पछि जिल्ला सङ्कट व्यवस्थापन केन्द्रको बैठकको सिफरिस र जिल्ला सुरक्षा समितिको बैठकले जारी निषेधाज्ञा जेठ १५ गते सम्म थप गरिएको प्रमुख जिल्ला अधिकारी दिपकराज नेपालले बताउनुभयो ।

सङ्क्रामक रोग ऐन २०२० र स्थानीय प्रशासन ऐन २०२८ अनुरुप जिल्लाभर १५ दिने निषेधाज्ञा थप गरिएको हो । यस अघि २१ गते बिहान ६ बजेदेखि वैशाख ३१ गते राती १२ बजे सम्मका लागि निशेधाज्ञा जारी गरिएको थियो ।