वालिङक,२६ वैशाख– कोरोना संक्रमणका कारण अक्सिजनको अभाव हुन थालेपछि वडा प्रहरी कार्यालय वालिङले अक्सिजनका सिलिण्डर संकलन कार्यला तिब्र बनाएको छ ।
प्रहरीले वालिङ र गल्याङ बजारमा रहेका ब्यावसायीहरु संग भएका अक्सिजनका सिलिण्डर संकलन गरेको हो । गल्याङ बाट ८ ओटा सिलिण्डर र वालिङबाट ३१ ओटा गरी ३९ ओटा सिलिण्डर संकलन गररे अक्सिजन भर्नको लागि पोखरा पठाइएकोमा केही सिलिण्डर ग्याँस भरेर ल्याइसकिएको र केही सिलिण्डर ग्याँस भरेर ल्याउने क्रममा रहेको वडा प्रहरी कार्यालय वालिङका प्रमुख हरि पौडेलले बताउनुभयो । बजार क्षेत्रमा रहेका ब्यापारी एवं साना ठुला उद्योगहरुबाट सिलिण्डर संकलन गरिएको प्रहरीले जनाएको छ । ब्यावसायीहरुले सहजरुपमा आफुसंग भएका सिलिण्डर उपलब्ध गराएको वडा प्रहरी कार्यालय वालिङका प्रमुख पौडेलले बताउनुभयो ।

वालिङको जैसी पधेरामा हार्डवयर ब्यावसाय गर्दै आउनुभएका शिव डुम्रेको पसलबाट २१ थान ठुलो र १ थान सानो गरी २२ थान अक्सिजनका खाली सिलिण्डर र मोदिखोलामा रहेको विश्वकर्मा ग्रिल तथा कृषि औजार उधोग बाट ३ थान ग्याँस भरी अवस्थामा भएका सिलिण्डर संकलन गरिएको वडा प्रहरी कार्यायलयले जनाएको छ । यसै गरी प्रहरीले वालिङ बजारका अन्य ब्यावसायीहरु संग भएका सिलिण्डर पनि संकलन गरिएको जनाएको छ ।