पाल्पा,२४ वैशाख– रामपुर नगरपालिकाले २५ शैयाको आइसोलेसन निर्माण गर्ने भएको छ । नगरपालिकाले विभिन्न वडामा १५ तथा रामपुर अस्पतालमा १० गरी २५ शैयाको आइसोलेसन कक्ष निर्माण गर्न लागेको हो । नगरपालिकाले कोरोना भाइरस (कोभिड–१९) बाट संक्रमण भएका नगरवासिलाई अस्पतालसम्म पुर्याउन निशुल्क एम्बुलेन्स सेवा दिने नगरपालिकाले जनाएको छ ।

कोरोना भाइरको संक्रमण तिव्र रुपमा फैलिएको अवस्थालाई मध्यनजर गर्दै नगरपालिकाको आर्थिक सहयोग र रामपुर अस्पतालको समन्वयमा अक्सिजन सहितको १० शैंयाको आइसोलेसन कक्ष निर्माण गर्ने ,नगर स्तरिय क्वारेन्टाइन तथा आइसोलेसन व्यवस्थापन तथा संचालनका निम्ति वडा नम्बर ५ का वडा अध्यक्ष हिमाल मल्लको संयोजकत्वमा सात सदस्यीय समिति गठन गरिएको छ । कोभिडको संक्रमणबाट जोगिन आवस्यक काम बाहेक घरबाहिर ननिस्कन र स्वाश्थ्य मापदण्ड अनिवार्य पालना गर्न नगरप्रमुख रमणबहादुर थापाले सबै नगरवासिमा अनुरोध गर्नुभएको छ । नगरप्रमुख थापाले विपतको समयमा हुने कालोबजारी नियन्त्रणका लागि अनुगमन गरेर स्वास्थ्य सामाग्री, औषधी, खाद्यसामाग्री तथा दैनिक उपभोग्य वस्तुहरुमा कालोबजारी गरेको पाइएमा कडा कारबाही गरिने समेत ताउनुभयो । जोखिमको समयमा सवै संघसंस्थाको समन्वयमा काम गरिने नगरप्रमुख थापाको भनाइ थियो ।

पालिकाको वडा नम्बर १ , ९ र १० नम्बरमा यहि बैशाख २६ गतेदेखि सेवा प्रदान गर्ने गरि अक्सिजन सहितको ५÷५ शैंयाको आइसोलेसन वार्ड निर्माण गरिने छ भने प्रत्येक हप्ताको बुधवार र शनिवार नगरपालिकाले कार्यालय परिषरमा निशुल्क एन्टिजेन तथा पिसीआर परीक्षणका लागि स्वाब संकलन गरिने भएको छ । रामपुर अस्पतालको निर्देशनमा कोभिड अस्पतालसम्म बिरामीलाई पुर्याउने व्यवस्थापनका लागि नगरपालिकाले निशुल्क एम्बुलेन्सको व्यवस्था गर्ने , जोखिमको समयमा अग्रभागमा काम गर्ने स्वास्थ्यकर्मीलाई नेपाल सरकारले तोकबमोजिमको भत्ता उपलब्त्र गराउने , अग्रपंक्तिमा रहेर काम गर्ने संचारकर्मी, पत्रकार, स्वास्थ्यकर्मी, सुरक्षाकर्मीलाई अक्सिजन सहितको निशुल्क आइसोलेसन कक्ष निर्माण गरिदिने निर्णय भएको रामपुर नगरपालिकाका नगरप्रवक्ता हुमनाथ न्यौपानेले जानकारी गराउनुभयो ।

प्रवक्ता न्यौपानेका अनुसार नगरपालिकामा २० अक्सिजन सिलिण्डर आइसकेको छ । ३ वटा वडा गत १५ तथा रामपुर अस्पतालमा १० गरि अहिलेलाई २५ शैयाको अक्सिजन सहितको आइसोलेसन वार्ड तयार भए पनि आवस्यकता अनुसार थप गर्ने नगरपालिकाको योजना छ ।
नगरपालिकाले कोभिडको कारण ज्यान गुमाउनेको परिवारलाई ३० हजार रुपैँया दिने भएको छ । पालिकाले कोभिड–१९ कारण ज्यान गुमाएका नगरवासीका घरपरिवारलाई दाहसंस्कार एवं काजक्रिया खर्च बापत प्रतिपरिवार ३० हजार उपलब्ध गराउने निर्णय गरेको हो