वालिङ,१० माघ– कालीगण्डकी गाउँपालिकाले अपाङ्गता भएका व्यक्तिहरुलाई सम्मान गर्नुका साथै न्यानो कपडा वितरण गरेको छ । शारीरिक अवस्था कम्जोर भएका व्यक्तिहरुलाई उचित संरक्षण गरी आवश्यक ज्ञानसिप दिएमा जीवनयापनको लागि अगाडि बढ्न सक्ने भन्दै पालिकाले यस्तो अभियान शुरु गरेको हो ।

पालिका भित्र रहेका सबै शारीरिक अवस्था कम्जोर भएका व्यक्तिहरुलाई सम्मान तथा न्यानो कपडा वितरण गरिने पालिका अध्यक्ष खिमबहादुर थापाले बताउनुभयो । सम्मान एवं सहयोग कार्यक्रम अन्तर्गत वडा नम्बर ७ र ४ नम्बर वडामा सम्मान तथा न्यानो कपडा वितरण गरिएको र अन्य वडाहरुमा पनि कार्यक्रम सञ्चालन गरिने गाउँपालिकाका सूचना अधिकारी हिरामणी पाण्डेले जानकारी दिनु भयो ।