पाल्पा,१९ साउन– सिद्धार्थ राजमार्गको पाल्पा बुटवल सडकखण्ड अन्तर्गत तिनाउ गाउँपालिका ३ सिद्धबाबामा पहिरो खसेर बोलेरो जिप च्यापिदा एक जनाको मृत्यु भएको छ ।
सोमबार साँझ खसेको पहिरोले लु २ च ७३८७ नम्बरको जिपलाई च्याप्दा वालिङ नगरपालिका ११ का २३ वर्षीय शाशिष खाँणको लुम्बिनी प्रदेशिक अस्पताल बुटवलमा उपचारको क्रममा सोमबार राति मृत्यु भएको प्रहरीले जनाएको छ ।
मृतक खाँण जिपको सहचालक भएको प्रहरीले जनाएको छ । चापाकोट नगरपालिका ५ का चालक डिलु थापा घाइते हुनेभएको छ । जिप स्याङ्जाबाट बुटवल जादै गरेको अवस्थामा सडक माथिबाट पहिरो खस्दा सो घटना हुन पुगेको हो । सिद्धबाबा क्षेत्रमा यसै गरी पहिरोका कारण सयौ यात्रुहरले अकालमा ज्यान गुमाउन बाध्य भएका छन् ।