वालिङ,१६ जेठ– केही दिनदेखि लगातार परेको वर्षाका कारण स्याङ्जाको वालिङ हुवास खण्डको वालिङ नगरपालिका १४ स्थित पानी ट्याङ्कीमा सडक माथिबाट आएको पहिरोलो सडक अवरुद्ध भएको छ । पहिरोका कारण सडक अवरुद्ध हुदा कोरोना संक्रमित बिरामीलाई उपचारको लागि लिन गएका युवा बाटोमै रोकीएकाछन् । वालिङ नगरपालिका १४ हुलकाङ् स्थित फुलबारीमा कोरोना संक्रमणबाट बिरमी भएका एक पुरुषलाई उपचारको लागि अस्पताल पुर्याउनको लागि लिन गएका वालिङ ९ का विवेक पराजुली र १४ का याम लुईटेल सडक अवरुद्ध हुदा बाटोमै रोकीएका हुन ।
वालिङ १२ का युवा समाजसेवी राजु काफ्ले (ख्याम) ले बिरामी लिन गएका युवाहरु सडक अवरुद्ध हुदा समयमै बिरामी भएको स्थल सम्म जान नसकिएको र बाटो खुलाउनको लागि नगरपालिकामा खबर गरिएको जानकारी दिनुभयो । नेकपा एमाले निकट रहेका विवेक पराजुली युवा संघ वालिङ नगर कमिटीका अध्यक्ष समेत हुन भने याम लुईटेल विश्व यात्री हुन दुबै युवाले केही समय देखि कोरोना संक्रमित बिरामीको उपचारको लागि अस्पताल सम्म पुर्याउनुका साथै मृत्कको दाहसंस्कार कार्यमा समेत सहयोग पुर्याउदै आएकाछन् ।
लगातार परेको वर्षाका कारण जिल्लाका अधिकाशं ग्रामीण सडकका साथै बस्तीहरु जोखिममा परेकाछन् भने ग्रामीड सडकमा पहिरो जादा सवारी साधन चल्न सकेकाछैनन् ।