वालिङ,२ जेठ– ग्रहौं प्राथमिक अस्पताललाई स्वास्थ्य सामग्री हस्तान्तरण गरिएको छ । वालिङमा रहेको बोलबम समिति र बोलबम बहुद्देश्यीय सहकारी संस्थाले संयुक्त रुपमा खरिद गरेको स्वास्थ्य सामग्री वालिङ नगरपालिका प्रमुख दिलीप प्रताप खाँणलाई आज बोलबम समितिका पदाधिकारीहरुले गह्रौं अस्पतालमा पुगेर सस्तान्तरण गरेकाहुन ।
कोरोना भाइरस (कोभिड १९) को दोस्रो भेरियन्सका कारण संक्रमण बढ्दै गएपछि विभिन्न संघ संस्था एवं ब्याक्तिहरुले सहयोग गर्ने क्रम जारी रहेकै अवस्थामा बोलबम समिति र बोलबम बहुद्देश्यीय सहकारी संस्थाले संयुक्त रुपमा हयोग गरेको हो ।
नगरप्रमुख दिलीप प्रताप खाँणले अत्यावश्यक सामग्री उपलध गराएकोमा आभार व्याक्त गर्दै संकटको बेला प्राप्त भएको सहयोग सामग्रीले धेरै बिरामीको ज्यान बचाउन सकिने बताउनुभयो ।

संस्थाका कोषाध्यक्ष केशव पराजुलीले रु ५५ हजार बराबरको अक्सिजन फलो मिटर, अक्सिमिटर, अक्सिसेट लगायतका स्वास्थ्य सामग्री हस्तान्तरण गरिएको जानकारी दिनुभयो ।
वालिङ नगरपालिका ८ नयाँ बजारमा कार्यालय रहेको बोलबम समिति र बोलबम बहुद्देश्यीय सहकारी संस्थाले बेला बेलामा सामाजिक क्षेत्रमा सहयोग पुर्याउदै आएको छ ।