वालिङ,१५ माघ– जिल्लाकै मध्यभागमा रहेको वालिङ बजार यतिबेला महोत्सव आयोजना गरेर बेहुली झैं सिंगारिएर झकिझकाउ हुने गथ्र्यो । कोरोना महामारीका कारण देशैभरिका मेला महोत्सवहरु प्रभावित हुन पुगे । भव्य र सभ्य महोत्सव भनेर देशैभर चर्चा कमाएको वालिङ महोत्सव पनि कोरोना संक्रमणका कारण यस पटन सञ्चालन हुन सेकन । कोरोनाको चपेटामा परेको वालिङ महोत्सवको विगतको सम्झना गर्दै वालिङ उद्योग वाणिज्य संघले बिहीबार महोत्सवको सम्झना स्वरुप समिक्षात्मक कार्यक्रम गरेर मनाएको छ ।
२०६३ देखि २०७५ सम्म सातौं महोत्सव सम्पन्न गरेको संघले यो वर्ष आठौं वालिङ महोत्सव गर्ने कार्यक्रम रहेको थियो । कोरोना महामारीका कारण यो वर्ष मेला महोत्सवहरु नहुने भएकाले समिक्षात्मक कार्यक्रम गरेर मनाएको हो । संघको निर्णय अनुसार यहि माघ १५ गते शुभारम्भ गरिने महोत्सवको सम्झना स्वरुप समिक्षात्मक कार्यक्रम गरिएको वालिङ उद्योग वाणिज्य संघका अध्यक्ष एवं उद्योग वाणिज्य महासंघका केन्द्रीय सदस्य शोभाकान्त पौडेलले बताउनुभयो । वालिङ उद्योग वाणिज्य संघ मेचि, जनकपुर, चितवन, लेखनाथ, रोल्पा, जुम्ला र धनगढी गरी सातवटा प्रदेशका संघसँग समन्वय गरेर आगामी महोत्सव मनाउने कार्यक्रम रहेको समेत अध्यक्ष पौडेलले बताउनुभयो । प्रत्येक दुई वर्षको अन्तरालमा गरिने महोत्सव यस पटक गर्न नपाए पनि समय र परिस्थिति प्रतिकुल नभएमा आगामी वर्ष आठौं संस्करणलाई निरन्तरता दिने पनि अध्यक्ष पौडेलले जानकारी दिनुभयो । साथै अव संघले बहुउद्देश्यीय सहकारी संस्था स्थापना गरेर बचत तथा ऋणको कारोबार समेत गर्ने अध्यक्ष पौडेलले बताउनुभयो ।