काठमाडौं,११ माघ– कृषि तथा पशुपंक्षी विकास मन्त्री पद्मा अर्यालको पहलमा स्याङ्जा क्षेत्र नं २ का दुई मुख्य सडकको स्तरोन्नतिका लागि थप रकम विनियोजन भएको छ ।
मन्त्री अर्यालको पहलमा अर्थ मन्त्रालय बजेट तथा कार्यक्रम महाशाखाले खरिद प्रकृया र निर्माण कार्य अगाडि बढाउन सहमति प्रदान गरेको हो ।
सेतीवेनी–पेलाकोट–गल्याङ–चापाकोट–डण्डा–नवलपुर सडक (वैकल्पिक राजमार्ग) का लागि १५ करोड र जगत भञ्जाङ–मण्डीथान –केवरे भन्ज्याङ–बारीकुना–किसान–चापाकोट–गजरकोट सडक (स्याङ्जा ल्ज्( टढ) का लागि २० करोड विनियोजन भएकोमा स्तरोन्नतिका लागि थप १५ करोडको सीमाभित्र रही निर्माण कार्य अघि बढाउने र आगामी वर्षको सिलिङभित्र बजेट प्रस्ताव गर्ने गरी अर्थ मन्त्रालयले सहमति प्रदान गरेको हो ।

गल्याङ चापाकोट सडकलाई आफूले उच्च प्राथमिकतामा राखेको र चुनावको समयमा गरेको प्रतिवद्धता पनि नभुलेको भन्दै मन्त्री अर्यालले संघीय सडक सुपरिवेक्षण तथा अनुगमन कार्यालय पोखरालाई छिटो खरिद प्रक्रिया सुरु गर्न निर्देशनसमेत दिइसकेको जानकारी दिनुभयो । स्रोत कालीगण्डकी खबर