गोरखा,२५ असाेज- चुमनुब्री गाउँपालिका भएर बग्ने बुढीगण्डकीमा आएको बाढीले सोती बजारमा रहेको पुल र केही घर टहराहरु बगाएको छ।

प्रमुख जिल्ला अधिकारी धर्मेन्द्रकुमार मिश्रले बाढीले दोभानको बेलिब्रिज सहित टहराहरु बगाएको जानकारी दिनुभयाे।

धार्चे गााउँपालिका उपाध्यक्ष सुनिला गुरुङका अनुसार दोभानको पुल, केरौंजा जाने पुल र केही बस्तीका घरहरु बाढीले बगाएको छ । गोरखाको विभिन्न क्षेत्रमा बाढीले क्षति पुर्‍याएपछि उद्धारको लागि हेलिकोप्टर परिचालन गरिएको छ । बाढीले पैयू र बगर गाउँका ३५ घर बगाएको छ भने दोभान, घट्टेखोला, जगत र सल्लेरी गाउँमा व्यापक क्षति भएको चुमनुब्री गाउँपालिकाकी उपाध्यक्ष लक्ष्मी गुरुङले बताउनुभयाे।