काठमाडौं,२३असोज- सशस्त्र प्रहरीका अतिरिक्त महानिरीक्षक (एआईजी) वंशीराज दाहाललाई आचरणसम्बन्धी कसुरमा सशस्त्र प्रहरी सेवाबाट (बर्खास्त गरिएकाे) हटाइएको छ।

गृह मन्त्रालयले शुक्रबार एक विज्ञप्ति जारी गर्दै दाहालले आचरणसम्बन्धी कुरा बारम्बार उल्लङ्घन गरेको, अनुशासनहीन काम गरेको तथा नेपाल सरकार र आफू कार्यरत सङ्गठनको मान, प्रतिष्ठा एवं छविमा आँच पुग्ने कार्य गरेको कसुरमा विभागीय कारबाही गरिएको जनाएको छ।

मन्त्रालयका अनुसार दाहाललाई २०८३ साल असोज २३ गतेदेखि लागू हुने गरी सशस्त्र प्रहरी सेवाबाट हटाउने निर्णय गरिएको हो।

गृह मन्त्रालयका सहसचिव एवं प्रवक्ता आनन्द काफ्लेद्वारा जारी विज्ञप्तिमा उक्त कारबाहीबारे उल्लेख गरिएकाे छ।