वालिङ,१३ फागुन– निर्वाचनको मिति नजिकिए संगै स्याङ्जामा चुनावी माहोल तात्तिएको छ । दलहरु निर्वाचको नतिजालाई आ–आफ्‌नो पक्षमा पार्न प्रचार–प्रसार अभियानलाई आक्रामक बनाउदै लगेका छन् । घरदैलो अभियान मतदाता भेटघाट एवं चुनावी भेलाका साथै खुला सभा गरेर मतदाता आर्कषित गर्न आफ्‌नो योजना एवं कार्यक्रमहरुलाई जनतामाझ पुर्याइरहेका छन् ।
यस अघिका निर्वाचनमा भन्दा यस पटक दलहरुले चुनावी प्रचार अभियानलाई पृथ्क शैलीमा अगाडी बढाएका छन् उनीहरुले सामाजिक सञ्जाललाई भरपुर प्रयोग गरेका छन् । फेसबुक, टिकटक लगायतका प्लेटफम मार्फत आफ्‌ना धारणा सार्वजनीक गर्नुका साथै मतदाताहरु संगको भेटघाटका गतिविधिहरुलाई आम जनता माझ लगेको देखिन्छ । पहिला जस्तो प्रचापम्पेलेट, तुल ब्यानर भन्दा पनि डिजिटल माध्यामबाट उम्मेदवार एवं राजनीतिक दलहरुले आफ्‌नो प्रचार–प्रसार गरिरहेका छन् ।
सामाजिक सञ्जाल एवं डिजिटल प्लेटफम प्रयोगमा नेपाली कांग्रेस, नेकपा एमाले, नेपाली कम्युनिष्ट पार्टी लगायतको तुलनामा राष्ट्रिय स्वतन्त्र पार्टी अगाडी देखिएको छ । यो दलले आफ्‌ना उम्मेदवारका प्रचार सामग्रीहरुलाई आक्रामक रुपमा प्रस्तुत गरेर धेरै प्रयोग क्रर्ताहरु माँझ पुर्याएको देखिन्छ । रास्वपाको राष्ट्रिय स्तरमा बढेको क्रेजले नयाँ पुस्तालाई आर्कषित गर्दा सामाजिक सञ्जालमा उस्को प्रचार बडी देखिन्छ ।
रास्वपाले स्याङ्जा निर्वाचन क्षेत्र नम्बर १ मा डा. धनञ्जय रेग्मीलाई उम्मेदवार बनाएको छ भने निर्वाचन क्षेत्र नम्बर २ बाट झविलाल डुम्रेलाई चुनावी मैदानमा उतारेको छ ।
रेग्मी नेपाल पर्यटन बोर्डका पूर्व प्रमुख कार्यकारी अधिकृत हुनुहुन्छ भने डुम्रे युवा ब्यावसायीका साथै जिल्लामा रास्वपाको संगठन विस्तार कार्यमा खट्टिएर लाग्नुभएको थियो । रास्वपाले सुशासन र नीति निर्माणलाई आफ्‌नो मुख्य चुनावी नाराका रुपमा अगाडी सारेको छ ।
जिल्लामा नतिजा कस्को पक्षमा जान्छ भनेर सहजै अनुमान गर्न सक्ने अवस्था छैन । हाल सम्मको अवस्थालाई नियाल्दा नेपाली कांग्रेस, नेकपा एमाले र रास्वपा बिच तृपक्षीय प्रतिस्पर्धा देखिएको छ । कांग्रेस, एमाले पुरानो आफ्‌नो शाख जोगाउने कसरतमा छन् भने रास्वपा देशैभरी आएको लहरले स्याङ्जामा आफ्‌नो पक्षमा नतिजा आउँने विष्लेषणमा छ ।
केही मतदाताहरु भने यस अघिको निर्वाचनमा जस्तो खुलेर आफ्‌नो धारणा प्रस्तुत गरेका छैनन् मौन बसेका छन् ।
नेपाली कांग्रेसले निर्वाचन क्षेत्र नम्बर १ बाट पूर्व बैंकर्ष भरत राज ढकाललाई उठाएको छ भने नेकपा एमालेले पूर्व र्बैकर्ष एवं निवर्तमान गण्डकी प्रदेश सभासदस्य मिनप्रसाद गुरुङलाई चुनावी मैदानमा तारेको छ । निर्वाचन क्षेत्र नम्बर २ मा नेकपा एमालेले दुई कार्यकाल कालीगण्डकी गाउँपालिकाको अध्यक्षको भूमिकामा रहेर पालिकालाई उत्कृष्ठ बनाउन सफल खिमबहादुर थापालाई उम्मेदवार बनाएको छ भने नेपाली कांग्रेसले गण्डकी प्रदेश निर्वतमान प्रदेश सभासदस्य भागवत प्रकाश मल्ललाई उम्मेदवार बनाएको छ ।