सातौं राष्ट्रपति रनिङशिल्डको उपाधी भुरुङ चौकीले जित्यो

वालिङ, १७ मङ्सिर–स्याङ्जाको बिरुवा गाउँपालिकामा सञ्चालित पालिकास्तरीय राष्ट्रपति रनिङ शिल्ड खेलकुद प्रतियोगिताको उपाधी भुरुङचौकी माध्यमिक विद्यालयले जितेको छ । भुरुङचौकी माध्यमिक विद्यालयले १० स्वर्ण, ९ काश्य र २ रजत पदकसहित उपाधी जितेको हो । जीतसँगै भुरुङचौकी माध्यमिक विद्यालयले ३० हजार नगदसहित शिल्ड, मेडल र प्रमाणपत्र प्राप्त गरेको छ ।
यसैगरी जामुनेडाँडा मावि दोस्रो भएको छ । जामुनेडाँडा माविले ६ स्वर्ण, ५ रजत र २ काश्य पदक ल्याएर दोस्रो स्थान हाँसिल गरेको हो । यस्तै बिरुवा मुनलाईट एकेडेमीले ५ स्वर्ण, ४ रजत र ४ काश्य पदकसहित तेस्रो भएको छ भने नवज्योति माविले ४ स्वर्ण, ३ रजत र ३ काश्य पदक प्राप्त गरी सान्त्वना स्थानमा चित्त बुझाएको छ । दोस्रो, तेस्रो र सान्त्वना स्थान हासिल गर्नेले क्रमशः २०, १५ र १० हजार नगदसहित मेडल र प्रमाणपत्र प्राप्त गरेका छन् ।
कार्यक्रममा पुरस्कार वितरण गर्दै गण्डकी प्रदेशका उद्योग वाणिज्य तथा पर्यटन मन्त्री मित्रलाल बस्यालले स्थानीय स्तरका खेलकुद प्रतियोगिताहरु भ्विष्यका राष्टिय खेलाडीको मुख्य जग भएको बताउनुभयो । खेलले विद्यार्थीहरुलाई अनुशासित बनाउनुका साथै स्वस्थ बनाउने पर्यटन मन्त्री बस्यालले व्यक्त गर्नुभयो । यसैगरी भोलिका दिनमा पनि आ–आफ्नो रुची अनुसारको खेल खेलेर आफ्नो व्यक्तित्व विकासमा लाग्न आग्रह गर्दै उहाँले वधाई ज्ञापन गर्नुभयो । उपविजेता भएका विद्यार्थीहरुले आँफूलाई सुधार गर्दैजाँदा भोलि विजेता बन्न सकिने भएकाले धैर्यताका साथ खेललाई अनुशासित भएर अगाडि बढाउनुपर्नेमा उहाँले जोड दिनुभयो ।
“स्वास्थ्यको लागि खेलकुद, राष्ट्रको लागि खेलकुद” भन्ने नाराकासाथ आज आईतबारदेखि ७ औँ राष्ट्रपति रनिङ शिल्ड खेलकुद प्रतियोगिता सञ्चालन गरिभएको थियो ।
प्रतियोगितामा पालिकाका १० वटा माध्यमिक विद्यालयले सहभागिता जनाएका थिए । प्रतियोगितामा छात्र छात्रा भलिबल, कबड्डी, १०० मिटर, २०० मिटर, ४०० मिटर, ८०० मिटर, १५०० र ३ हजार मिटर दौड प्रतियोगिता, १६०० र ४०० मिटर रिले दौड, सर्टफुट, ज्याब्लिङ थ्रो, लङलम्प, हाईजम्प र त्रिपल जम्पलगायतका खेलहरु भएका हुन् ।
गाउँपालिकाको ८ नम्वर वडाको भुरुङचौकीस्थित पुष्प खेलमैदानमा सञ्चालन गरिएको खेलकुद प्रतियोगिताको संयोजन भुरुङचौकी माध्यमिक विद्यालयले गरेको थियो । यही मङ्सिर १४ गते आइतबारदेखि सञ्चालित प्रतियोगिता स्थानीय खेलकुद समितिको आयोजनामा गरिएको हो ।

ताजा

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

तिहार पर्वलाई मर्यादित बनाउन स्याङ्जा प्रशासनको आग्रह

२०८३ कार्तिक २० गते, शुक्रबार

राम्दीमा बस र स्कुटरबाट १० हजार बढी पिस पटका बरामद

२०८३ कार्तिक २० गते, शुक्रबार

तीन दशकको पीडा र एक्लोपन पछि जमुनाले पाइन् मानवसेवा आश्रमकाे संरक्षण

२०८३ कार्तिक १९ गते, बिहीबार

स्याङ्जामा स्कुटर दुर्घटना हुँदा आमाको मृत्यु, छोरी घाइते

२०८३ कार्तिक ६ गते, शुक्रबार

विजया दशमीकाे शुभकामना

२०८३ कार्तिक ४ गते, बुधबार

आज दशैँकाे टीका

२०८३ कार्तिक ४ गते, बुधबार

मकै भण्डारण गर्ने काइदा,घरभरी मकैका झुत्ती

२०८३ कार्तिक २ गते, सोमबार

न आफन्त रहे, न घरः छैन दसैँको रौनक

२०८३ आश्विन ३१ गते, शनिबार

प्रधानमन्त्री वालेन्द्र शाहद्वारा बडादसैँको शुभकामना

२०८३ आश्विन ३१ गते, शनिबार

2026 Copyrights Reserved at gandakisamachar.com

Designed & Developed By:Web House Nepal