वालिङ,७ कात्तिक- माेटरसाईकल दुर्घटनामापरी पुतलीवजार नगरपालिका १४ का माधवप्रसाद लम्सालकाे मृत्यु भएकाे छ।

राष्ट्रिय कृषि आधुनिकीकरण कार्यक्रम, कार्यक्रम कार्यान्वयन एकाइ, कास्कीका प्रमुख रहनुभएका ४५ वर्षिय लम्सालकाे आफैले चलाएकाे लु ५९ प ३७९७ नम्बरको मोटरसाइकल पुतलीखेत–सतौं भित्री पक्की सडक अन्तर्गतको पुतलीबजार नगरपालिका १४ आम्बोटमा दुर्घटनामा परेको हो । 

मोटरसाइकल सडकबाट एक सय मिटर तल खसेको जिल्ला प्रहरी कार्यालय स्याङ्जाले जनाएको छ । सतौंबाट पुतलीबजारको लामागेतर्फ आउदै गर्दा दुर्घटनामा पर्नु भएका लम्साललाई जिल्ला अस्पताल लगिएकाे थियाे। अस्पतालमा चिकित्सकले मृत घोषणा गरेका प्रहरीले जनाएको छ ।