पाँचबुँदे मागसहित जेन जी आन्दोलनका घाइते तथा मृतकका परिवारलाई अर्जुनचौपारी गाउँपालिकाले राहतस्वरुप ५ लाख सहयोग गर्ने

वालिङ,२४ भदौ–जेन जि समूहले हिजो सोमबार राजधानी काठमाडौदेखि देशभर प्रदर्शन गरे । १८ देखि २८ वर्ष उमेर समूहका युवाहरुको समुहले देशभरका विभिन्न शहरहरुमा जेन जि समूहका नाममा आन्दोलन गरेका थिए । शान्तिपूर्ण गरिने भनिएको आन्दोलन हिसांत्मक बन्दा केही युवाहरुको ज्यान जानुकासाथै धेरैजना घाइते भएका समाचारहरु आइरहेका छन् ।
यसैबीच स्याङ्जाको अर्जुनचौपारी गाउँपालिकाले पाँचबुँदे मागसहित जेन जी आन्दोलनका घाइते तथा मृतकका परिवारलाई राहतस्वरुप ५ लाख सहयोग गर्ने विज्ञप्ती मार्फत जनाएको छ ।
सोमबार गाउँपालिका अध्यक्ष प्रकाश तिवारीद्वारा हस्ताक्षरित प्रेस विज्ञप्तिमा जेन जि आन्दोलनमाथि भएको दमन र आक्रामणप्रति गहिरो चिन्ता, आक्रोस र दुःख प्रकट गरेकोे छ । लोकतान्त्रिक मूल्य र मान्यताका आधारमा जेनजि पुस्ता र नागरिकहरुले आफ्ना आवाजहरु शान्तिपूर्ण रुपमा उठाउने अधिकारलाई दबाउने जुनसुकै प्रयास स्वीकार्य नभएको विज्ञप्तिमा उल्लेख छ ।
आन्दोलनमा सहभागी नागरिकहरुमाथि गरिएको बल प्रयोग, दमन र अवरोधले राज्यप्रतिको विश्वासलाई गम्भीर रुपमा खल्बल्याएको भनिएको छ । साथै उक्त घटनामा गम्भीर घाईते भएकाप्रति सहानुभुति प्रकट गर्दै सीघ्र स्वास्थ्य लाभको कामना गर्दै आन्दोलनमा अमूल्य ज्यान गुमाउने युवाप्रति श्रद्धाञ्जली व्यक्त गरिएको छ । आन्दोलनमा घाईते भएकाहरुको उपचार तथा मृतकका परिवारको राहतका लागि पालिकाले स्थापना गरेको सामाजिक उत्तरदायित्व कोषबाट ५ लाख सहयोग प्रदान गर्ने र अन्य आवश्यक परेमा थप सहयोग गर्ने प्रतिवद्धता व्यक्त गरिएको छ । साथै पालिकाले सरकारप्रति ५ बुँदे मागसमेत राखेको छ ।
आन्दोलनका क्रममा भएका सबै घटनाको तत्काल, निष्पक्ष र स्वतन्त्र छानविन गर्न, दोषीहरुलाई कानुनी दायरामा ल्याई पीडितलाई न्याय दिन, घाईतेहरुको उपचार र पुनस्र्थापनाको जिम्मा राज्यले लिन र नागरिकको शान्तिपूर्ण आन्दोलनमाथि बल प्रयोग अन्त्य गर्न माग गरिएको छ

यसैक्रममा जिल्ला सदरमुकाम पुतलीबजार र वालिङमा पनि जेन जि समूहले प्रदर्शन गरेका थिए । सामाजिक सञ्जाल बन्द, भ्रष्ट्राचार र बेथितिका विरुद्धमा युवाहरु सडकमा उत्रिएका थिए । आन्दोलनकारी समूहले निकालेको मोटरसाईकल ¥यालीले वालिङ बजार परिक्रमा गर्दै भ्रष्टाचार र बेथिति विरुद्धका नाराबाजीसहित प्रदर्शन गरेका थिए ।

ताजा

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

तिहार पर्वलाई मर्यादित बनाउन स्याङ्जा प्रशासनको आग्रह

२०८३ कार्तिक २० गते, शुक्रबार

राम्दीमा बस र स्कुटरबाट १० हजार बढी पिस पटका बरामद

२०८३ कार्तिक २० गते, शुक्रबार

तीन दशकको पीडा र एक्लोपन पछि जमुनाले पाइन् मानवसेवा आश्रमकाे संरक्षण

२०८३ कार्तिक १९ गते, बिहीबार

स्याङ्जामा स्कुटर दुर्घटना हुँदा आमाको मृत्यु, छोरी घाइते

२०८३ कार्तिक ६ गते, शुक्रबार

विजया दशमीकाे शुभकामना

२०८३ कार्तिक ४ गते, बुधबार

आज दशैँकाे टीका

२०८३ कार्तिक ४ गते, बुधबार

मकै भण्डारण गर्ने काइदा,घरभरी मकैका झुत्ती

२०८३ कार्तिक २ गते, सोमबार

न आफन्त रहे, न घरः छैन दसैँको रौनक

२०८३ आश्विन ३१ गते, शनिबार

प्रधानमन्त्री वालेन्द्र शाहद्वारा बडादसैँको शुभकामना

२०८३ आश्विन ३१ गते, शनिबार

2026 Copyrights Reserved at gandakisamachar.com

Designed & Developed By:Web House Nepal