अर्जुन काफ्ले

स्याङ्जा,२७ माघ– अवैध रुपमा ढुङ्गा गिट्टीको ओसारपसार भइरहेको वालिङ् नगरपालिका –१२ घोसरदुममा प्रशासनले अनुगमन गरेको छ। सडक निर्माण तथा कालोपत्रेका नाममा निर्माण कम्पनी टुण्डी आरएस जेभीले सडक बनाउन भन्दा पनि ढुङ्गा गिट्टी निकासी गरेपछि स्थानीयले प्रतिरोध गरेका थिए। 

प्रतिरोध गर्ने स्थानीयलाई खाल्डो खनेर पुर्ने ठेकदारको धम्कीपछि जिल्ला प्रशासन कार्यालय, जिल्ला समन्वय समिति, जिल्ला वन कार्यालय र सडक डिभिजन कार्यलयको टोली अवैध ओसार पसार गरिएको ठाउँ वालिङ् नगरपालिका–१२ घोसरदुम पुगेको हो। 

अवैध ओसार पसार भएको स्थानीयलाई खाल्डो खनेर पुर्ने धम्की दिने ठेकदार कम्पनीका पक्षलाई अब यस्तो भाषा र धम्की दिए कानुन बमोजिम कारबाही अगाडि बढाउने चेतावनी दिएको थियो।  

सार्वजनिक वन अतिक्रमण गरी लाखौंको ढुङ्गा गिटी निकासी गरिएको विषयमा स्थानीयले विरोध जनाउदै आएका छन्। 

ठेकदार कम्पनीले सरोकार नभएको क्षेत्रबाट केही मान्छेलाई प्रभावमा पारेर लाखौंको डुङ्गा, गिटी अर्को ठाउँमा निकासी गरेको स्थानीय विनोद थापाले बताउनुभयो। 

उहाँले नौ पुटको बाटोमा ३६ पुट चाक्लो र ४० पुट उचाई बाटो खनेर डुङ्गा, गिटी निकासी गरेको र विरोध गर्दा सोही ठाउँमा पुरी दिन्छु भनेर गाउँलेलाई धम्काएको बताउनुभयो। 

उहाँले प्रशासनको टिमले न्याय दिनुको सट्टा ठेकदार सँग मिलापत्र गरेको र काम ठिक छ भनेर नभने पनि ठेक्का रोकिन सक्ने भनेर थम्काउने काम गरेको बताउनुभयो। 

प्रशासनको अब अबको दिनको कानुनी प्रक्रिया हेर्ने समय आएको बताउदै थापाले आफू भने असुरक्षित रहेको बताउनुभयो। निर्माण कम्पनीले वालिङ हुवास रोडको भु्रमे–अरचलबोट–तमादी–डुम्रेभञ्ज्याङ–बानिडाडाँ हुदै सेतिबेनी जाने सडक २०७९ वैशाख ६ गते तीन वर्षमा कालोपत्रे गर्ने गरी २० करोड २८ लाख नौ हजार ५०१ रुपियाँ छ पैसामा सम्झौता गरेको थियो। 

अनुगमन पश्चात ढुङ्गा गिटी निकासी तत्कालका लागि रोकिएको छ भने प्रशासन, वन कार्यालयले मुद्दा चलायर कानुनी प्रक्रिया अगाडि बढाएको छ।गोप