वालिङ,२८ माघ- वालिङ नगरपालिका ८ डुम्रीकोटमा आइतबार राति मोटरसाइकल दुर्घटना हुँदा एक जनाको मृत्यु भएको छ ।

वालिङ मोडबाट भकुण्डेतर्फ आउँदै गरेको ग १ ख ९४७२ नम्बरको ट्रकलालई सोही दिशाबाट आउँदै गरेको लु ६९ प ८०६७ नम्बरको मोटरसाइकलले ओभर ट्याक गर्ने क्रममा दुर्घटना हुँदा मोटरसाइकलमा सवार विरुवा गाउँपालिका ७ घर भई हाल वालिङ नगरपालिका ९ क्याम्पस रोड बस्ने १६ वर्षीय शुशिल गुरुङ घाईते भएका हुन। घाइते गुरुङलाई उपचारकाे लागि रातिनै गह्राै प्राथमिक अस्ताल वालिमा लगिएकाे र राति घाईते गुरुङकाे मृत्यु भएको प्रहरीले जनाएकाे छ।

मोटरसाइकलले ट्रकलाई ओभरट्याक गर्ने क्रममा ट्रकको बीचमा मोटरसाइकल पस्दा मोटरसाइकल पछाडि सवार गुरुङ गम्भीर घाइते भएका थिए।

 ट्रक चालकसहित मोटरसाइकल चालकलाई नियन्त्रणमा लिएर घटनाको अनुसन्धान भइरहेकाे जिल्ला प्रहरी कार्यालय स्याङ्जाका सूचना अधिकारी एवं प्रहरी नायव उपरीक्षक हरिप्रसाद पौडेलले जानकारी दिनुभयाे।