वालिङ,२२ माघ- वालिङ नगरपालिका वडा नम्बर १४ तमादि वालिङ सडक खण्ड अन्तरगत सिरबानी तर्फ जाँदै गरेकाे ग १ च ८९१३ नम्बरकाे स्कार्पियाे आज बिहान करिब ८ बजे तिर दुर्घटना हुदा स्कार्पियाेमा सवार पाँच जना घाईते भएकाे जिल्ला प्रहरी कार्यालय स्याङ्जाले जनाएकाे छ।

घाईते हुनेहरुमा वालिङ नगरपालिका वडा नम्बर १४ सिरबानीका ६३ वर्षिय उमापति डुम्रे, साेही ठाँउका ५२ वर्षिय  भिमप्रसाद डुम्रे, ७८ वर्षिय काेषकान्त डुम्रे पर्वत जिल्ला पैँयु गाउँपालिका ६ हुवास बस्ने ३३ वर्षिय कुमकला तिवारी र उहाँका ११ वर्षिय छाेरा कमल तिवारी घाईते भएकाे प्रहरीले जनाएकाे छ। अधिकांश घाईतेहरुलाई टाउकाे छाति र हातमा चाेट लागेकाे छ। घाईतेहरुलाई उपचारकाे लागि अस्पताल लगिएकाे र घटना बारे अनुसन्धान प्रक्रिया अगाडि बढाइएकाे जिल्ला प्रहरी कार्यालय स्याङ्जाका प्रहरी नायव उपरीक्षक हरिप्रसाद पाैडेलले जानकारी दिनुभयाे। दुर्घटनामा परेकाे स्कार्पियाेमा ८ जना सवार रहेकाे प्रहरीले जनाएकाे छ।