स्याङ्जा,१९ पुस– सूर्योदय वोमी लघुवित्त वित्तिय संस्था लिमिटेडले आँधीखोला गाउँपालिका वडा नम्बर २ मा रहेको समुह नं ००९६ मा आबद्ध सदस्य गुम कुमारी घर्तीको परिवारलाई बिमा बापतको रकम हस्तान्तरण गरेको हो । पुतलीबजार शाखा कार्यालयद्वारा गठित समुहमा आवद्ध आधिखोला गाउपालिका २ की गुम कुमारी घर्तीको गत कात्तिक १४ गते मृत्यु भएको थियो ।
घर्तीको मृत्यु भएपछि संस्थाले पुस १८ गते बिमा दावी भुक्तानी बापतको रकम रु ३ लाख ९० हजार र हाल सम्म जम्मा भएको बचत रकम रु ५५ हजार १ सय १८ रुपैयाँ मृतक गुम कुमारी घर्तीका श्रीमान श्याम बहादुर घर्तीलाई सो रकम बारबरको चेक हस्तान्तरण गरिएको संस्थाका संचालक अनन्त कुमार श्रेष्ठले जानकारी दिनुभयो ।
सदस्य मृत्यु सुविधा वितरण तथा बिमा दाबी भुक्तानी कार्यक्रम अन्तरगत सो रकम हस्तान्तरण गरिएको संस्थाले जनाएको छ ।