वालिङ,१७ पुस–तमु ल्होसारको पर्वको अवसर पारेर भीरकोट नगरपालिकामा जेष्ठ नागरिकलाई सम्मान गरिएको छ । वडा नं ३ स्थित रयालेमा रयाले बाबा समूह , चौतारी युवा क्लब, तीनधारा बाराही आमा समूहको संयुक्त आयोजनामा जेष्ठ नागरिक सम्मान एवं शुभकामना आदानप्रदान प्रदान कार्यक्रम सम्पन्न गरिएको हो । ८० वर्ष नाघेका १३ जना जेष्ठ नागरिकहरूलाई समान गरिएको गौतम गुरूङले जानकारी दिनुभयो ।
वडा अध्यक्ष केशर बहादुर खड्काले जेष्ठ नागरिक समाजका अभिभावक,पथ प्रदर्शक, परम्परा र संस्कृतीका संरक्षक भएकाले उहाँहरूको सदैव सम्मान गर्नुपर्ने बताउनुभयो । जेष्ठ नागरिकहरू अनुभव र ज्ञानका खानी भएकाले उहांहरूलाई देवतासरह सम्मान गर्नुपर्ने बताउदै उहाँले सामाजिक एकता र धार्मिक सहिष्णुता सदैव महत्वपूर्ण हुने बताउनुभयो ।