वालिङ,९ पुस- नेपाल सरकारका पूर्व उपप्रधान मन्त्री एवं नेपाली कांग्रेसका नेता गोपालमान श्रेष्ठले युवाहरुलाई विदेसिनबाट रोकनुपर्ने बताउनुभएको छ । अहिले १२ कक्षा पढेपछि युवाहरुमा विदेश जाने सोंचको विकास बढ्‌दै गएको बताउदै यस्तै अवस्ता रहेमा देश युवा विहिन हुने बताउनुभयो ।
वालिङ नगरपालिका १० फूलबारीमा रहेको पूर्णामृत भवानी माध्यमिक विद्यायलयको ६२ औं वार्षिकोत्सव तथा अभिभावक दिवस कार्यक्रममा शोमबार बोल्दै नेता श्रेष्ठले विद्यालयको प्रसस्त जमिन भएको र यसको उपयोग गरेर प्राविधिक शिक्षामा लाग्न समेत आग्रह गर्नुभयो ।

पूर्व मन्त्री श्रेष्ठले भन्नुभयो, “ पूर्णामृत भवानी माविको प्रसस्त जमिन छ, त्यसको उपयोग गर्न आवश्यक छ । विद्यालयले भएको जमिन भाडामा दिनुभन्दा प्राविधिक शिक्षा सञ्चालन गरेर विद्यार्थीलाई कर्मयोगी बनाउनुपर्छ । यसले विद्यार्थीलाई दक्ष बनाउँछ ।”

कार्यक्रममा विद्यालयका प्रधानाध्यापक विष्णुप्रसाद अर्यालले विद्यालयको वार्षिक प्रगति तथा भावी योजना प्रस्तुत गर्नुभएको थियो । कार्यक्रममा विद्यार्थीहरुले नृत्य तथा खेल र विज्ञान प्रदर्शनीका साथै अतिरिक्त क्रियाकलापमा उत्कृष्ट हुने विद्यार्थीहरु, विद्यालयमा स्थापना गरिएको विभिन्न अक्षयकोषबाट छात्रवृत्ति एवं उत्कृष्ट शिक्षक तथा कर्मचारीहरुलाई सम्मान गरिएको थियो ।