कला राना
वालिङ,४ कात्तिक- वालिङ नगरपालिकाका ६ विद्यालयमा एक विद्यालय एक करेसाबारी कार्यक्रम प्रभावकारी बन्दै गएको छ ।
नगरपालिकाले पालिका भित्रका विभिन्न ६ विद्यालयमा एक विद्यालय एक करेसाबारी कार्यक्रम संचालन गरेको छ ।

वालिङ नगरपालिका १४ नम्बर वडामा रहेको हिमशिखर आधारभूत विद्यालयका विद्यार्थीहरुले पढाईसंगै कृषि कर्म पनि गर्दै आएका छन् । पढाई संगसंगै गरिएको कृषि कर्मले उनीहरुलाई ब्यवहारिक ज्ञान समेत दिएको छ । नगरपालिकाले सुरु गरेको एक विद्यालय एक करेसाबारी कार्यक्रम अन्र्तगत पालिकाले १ लाख रुपँैया रकम दिएपछि विद्यालयले तरकारी खेती शुरु गरेको थियो । विद्यालयले ३ रोपनी जग्गामा गोलभेडा, खुर्सानी तथा लहरेबाली लगायतको खेती गरेको छ ।

विद्यालयले अहिलेसम्म १४५ किलो गोलभेडा विक्रि गरेको छ । बजारमा यतिबेला गोलभेडाको भाउ बढेसंगै विद्यालयले राम्रो आम्दानी गरेको छ । ९२ किलो १३० रुपैँया प्रतिकिलोका दरले र आइतबार ५३ किलो ११० रुपैँया प्रतिकिलोका दरले विक्रि गरेको विद्यालयका प्रधानाध्यापक मित्रलाल खानालले बताउनुभयो । प्रअ खनालले भन्नुभयो, “नगरपालिकाको एक विद्यालय एक करेसाबारी कार्यक्रम अन्र्तगत १ लाख रकम प्राप्त भएपछि टनेलमा तरकारी खेती शुरु गरेका हौँ । अहिले विद्यालयको करेसाबारीमा गोलभेडा, खुर्सानी, लहरेबाली रहेका छन् ।”

विद्यालयले ४६ किलो हरियो खुर्सानी र घिरौँला विक्रि गरेको हो । खुर्सानी १५० का दरले विक्रि गरेका हुन् । विद्यालयको उत्पादन वालिङ बजारमै खपत हुँदै आएको छ । विद्यालयले टनेलमा ३४० बेर्ना खुर्सानी र १९२ वटा अमिता, ओन्सरी, गौरव जातको लुर्के गोलभेडाको विरुवा लगाएको थियो । विद्यालयले आफ्नो विद्यालय खाजामा खपत भएर धेरै भएको तरकारी स्थानीय बजारमा विक्रि गर्दै आएको छ । अहिलेसम्म ३३ हजार तरकारीबाट आम्दानी भएको विद्यालयले जनाएको छ ।

कक्षा १ देखि ७ सम्म अध्ययन हुँदै आएको विद्यालयमा ७५ जना विद्यार्थी अध्ययनरत छन् । नेपाल सरकारले कक्षा १ देखि ५ सम्म दिवा खाजाका लागि प्रति विद्यार्थी १५ रुपैँयाका दिवा खाजाको लागि उपलब्ध गराउँदै आएको छ । पछिल्लो समयको महँगीका कारण विद्यार्थीका लागि १५ रुपैँयाको खाजा प्रयाप्त नहुँने भएकाले विद्यालयले यसै कार्यक्रमबाट विद्यार्थीलाई स्वस्थवद्र्धक खाजा खुवाउँदै आएको छ । कक्षा ६ र ७ मा अध्ययनरत विद्यार्थीलाई समेत विद्यालयले गतवर्षदेखि खाजा खुवाउँन सुरु गरेको हो ।
विद्यालयकै करेसाबारीमा उत्पादन भएको तरकारी तथा तरकारी विक्रिबाट भएको आम्दानीमा विद्यालयको रकम थप गरेर कक्षा ६ र ७ का विद्यार्थीलाई समेत खाजा खुवाउँदै आएको प्रअ खनालले बताउनुभयो । दिवा खाजा कार्यक्रमले विद्यालयमा विद्यार्थी पनि आकर्षित भएका छन् । अघिल्लो वर्ष भन्दा यो शैक्षिक सत्रमा विद्यार्थी संख्या समेत वृद्धि भएको विद्यालयले जनाएको छ । अध्ययनसंगै कृषि कर्मको सिकाई कार्यक्रमले अभिभावक पनि खुसी भएका छन् । कक्षा कोठामा पढाई नभएको समयमा तथा विद्यालय समय पछाडिको समय र विदाका दिन पनि विद्यार्थीले करेसाबारीमा काम काम गर्ने गर्दछन् । विद्यालयमा सिकाइएको सिपले बालबालिकाहरुलाई घरमा भएको बेला पनि काम गर्ने बानिको विकास गराएको छ । भने बालबालिकाको कामले अभिभावक पनि खुसी भएका छन् ।