वालिङ,११मङ्सिर- भूकम्प पिडितकाे अस्थायी घर निर्माणकाे लागि रुकुम पश्चिमकाे चाैरजहारी नगरपालिका पुगेका युवासंघ स्याङ्जाका अध्यक्ष पिताम्बर खनाल (शुसिल)चाैरजहारी नगरपालिका ११ नम्बर वडाका २७ जना विद्यार्थीहरुलाई मायाकाे चिनाे स्वरुप कापि र कलम वितरण गरेर जिल्ला फर्किनुभएकाे छ। 

भूकम्पबाटप्रभावित भएका बालबालिकाहरुलाई पठनपाठन कार्यमा हाैसला प्रदान गर्ने उद्देश्यले बालबालिकाहरुलाई कापिकलम वितरण गरेकाे खनालले बताउनुभयाे।

असाेज १६ गते गएकाे भूकम्पमा परि चाैरजहारी नगरपालिका  सर्केना गाउँमा सत्र घर भत्किएका थिए जस मध्ये स्याङ्जाबाट गएकाे युवा संघकाे टाेलीले ९ ओटा अस्थायी टहरा निर्माण गरिसकेकाे छ भने अन्य निर्माण कार्य जारि राखेकाे छ। कात्तिक २ गते चाैरजहारी पुगेकाे युवा संघ स्याङ्जाले संघ आवद्ध युवाहरुलाई पालैपालाे अस्थायी आवास निर्माण कार्यमा खटाएकाे छ। एक दुई दिन भित्रैमा २५ जना युवाहरु अस्थायी आवास निर्माणकाे लागि चाैरजहारी पुग्ने युवा संघ स्याङ्जाका अध्यक्ष पिताम्बर खनाल (शुसिल)ले जानकारी दिनुभयाे। भूकम्प प्रभावित जन्ताकाे अवस्था दयनिय रहेकाेले थप युवाहरु परिचालन गरे त्यहाँका स्थानीय बासिन्दालाई ओतमा राख्ने समेत खनालले बताउनुभयाे।